Chapter 35

MAHIMBING na ang tulog ni Monica pero ginising siya ng mainit na labing humahalik sa kan’yang bibig. Nagmulat siya ng mga mata at nabungaran si Federico na nakadukwang sa kan’ya.

“It’s four in the afternoon. Do you want surfing?” tanong nito.

Napabalikwas naman siya ng upo. “Oo naman!” mabilis niyang tugon.

“Then, prepare yourself.”

“Teka, nasaan si Kenji?”

“Nasa labas. Isasama natin siya sa dagat pero babantayan naman siya ni Craig.”

“Sige.” bumaba na siya ng kama at naghubad ng damit.

Nagulat siya nang balutin ni Federico ng tuwalya ang kaniyang katawan.

“Mamaya ka na maghubad sa dagat,” anito.

“Ano, nariyan pa ba si Mattia?”

“Yes, and he will leave later after dinner.”

Sumunod naman siya kay Federico. Sabay na sila nitong lumabas ng kuwarto at ito ang nagbitbit ng dalawang surfboard. Itim na boxer lang ang suot ng binata at may isa pang towel na dala.

“Maliligo rin kami ni Kenji!” ani Craig. Hawak nito sa kanang kamay ang bata na may suot nang maliit na boxer at itim na long sleeve