Kabanata 371

Natawa si Luna sa mga sinabi ni Alice at sinulyapan siya. “Gusto mong humingi ako ng tawad?”

Sinadya ni Alice na makabunggo siya at matumba siya sa braso ni Gavin. Sinamantala siya nito, pero sa halip siya dapat ang humingi ng tawad?

“Oo dapat kang humingi ng tawad.” Ngumiti si Alice at magsasalita pa nang binaba ni Joshua ang kanyang phone at lumabas ng kotse. Kanina may kausap siya sa phone kaya hindi niya napansin ang nangyayari sa labas. Sinulyapan niya si Gavin na kinukuskos ang namamaga nitong mukha, tapos kay Luna na niilinis ang kanyang sarili gamit ng isang tissue. “Anong problema?”

Kaagad na hinawakan ni Alice ang braso ni Joshua. “Habang pababa ako ng kotse kanina, aksidente kong nabunggo si Luna at natumba siya. Hinawakan siya ni Gavin para hindi siya matumba pero tingin niya sinasamantala siya ni Gavin.”

Kasabay nito, tinuro ni Alice ang namamagang pisngi ni Gavin. “Tingnan mo. Sinampal siya nito sa mukha at ngayon sinusubukan niyang linisin ang kanyang sarili… diba m