Chapter 6

Mavi Pov

"May I know who is the father of your son?" ulit na tanong ni Alpha Magnus nang hindi ko sinagot nag kanyang tanong.

"Bakit mo naman gustong malaman kung sino ang ama ng anak niya, Alpha Magnus? Of course, hindi mo kilala ang ama ng anak niya dahil hindi mo rin kilala ang babaeng iyan," inis na sabi ni Sonia,

"I'm just curious kung anak ba sa labas ng kapatid ko si Moses. Para kasing magkamukha kami," narinig kong sagot ni Alpha Magnus kay Sonia.

Kung nakaharap lamang ako sa kanila ay makikita nila ang pamumutla ng aking mukha. Hindi nga ako nagkamali sa pag-iisip na mapapansin ni Alpha Magnus ang pagkakahawig ng anak ko sa kanya kapag magkita sila. Ngunit hindi ko inaasahan na sa halip isiping baka anak niya si Moses ay anak sa labas ng kapatid nito ang pumasok sa isip nito.

Muli kong hinila ang kamay ni Moses at ipinagpatuloy ang naudlot naming paglalakad. Pasalamat ako nang hindi nagpumilit si Alpha Magnus na alamin kung sino ang ama ni Moses.

Pagkapasok namin sa loob ng kotse ko ay napahugot ako ng malalim na buntong-hininga. Saka pa lamang gumaan ang mabigat kong dibdib. Ipinangako ko sa aking sarili na magmula ngayon ay mas mag-iingat ako para hindi na muling mag-krus ang mga landas ng anak ko at ni Alpha Magnus.

"Alpha Magnus is kind, Mom. Sana siya na lang ang maging Daddy ko," sabi sa akin ni Moses habang nagbibiyahe na kami pauwi sa bahay namin.

"Hindi siya ang ama mo at hindi iyon mangyayari, Moses. At saka ngayon mo pa lang siya nakilala kaya huwag mo agad sabihin na mabait siya dahil binigyan ka niya ng laruan na gusto mo, okay?" mariing sagot ko sa anak ko.

"Okay, Mom," mahina ang boses na sagot ni Moses.

Hindi na kumibo ang anak ko hanggang sa nakarating kami sa bahay namin. Agad naman akong napasimangot nang makita ko ang kotse ni Alpha Abner sa tapat ng bahay namin. Si Alpha Abner ay alpha ng Red Moo Pack at halos tatlong taon na siyang nanliligaw sa akin.

Mayabang at masama ang ugali ni Alpha Abner kaya never ko siyang magugustuhan kahit na guwapo at mayaman pa siya. Ilang beses ko na siyang tinapat na wala siyang aasahan sa akin ngunit hanggang ngayon ay hindi pa rin siya tumitigil sa kanyang panunuyo.

"I don't like him, Mom," nakasimangot na wika ni Moses, ang tinutukoy nito ay si Alpha Abner. Nasa labas na ngayon ng sasakyan niya ang lalaki dahil bumaba ito nang makitang dumating na ang kotse.

"Me too," sagot ko kay Moses bago ako umibis sa kotse.

"Hi, Mavi. It's nice to see you again," nakangiting bati sa akin ni Alpha Abner pagkababa ko ng kotse.

"Kung makapagsalita ka ay parang ang tagal nating hindi nagkita gayong kahapon lamang ay narito ka rin sa bahay ko," seryoso nag mukha na sagot ko sa kanya.

Ayokong ngumiti sa kanya dahil baka isipin pa niya na may pag-asa siya sa akin. At saka gustuhin ko man siyang ngitian ay hindi ko magawa dahil talagang kumukulo ang dugo ko kapag nakikita ko siya.

"Pumayag ka na kasi naming Luna ko at kahit anong oras ay pakakasalan agad kita," mabilis na sagot ni Alpha Abner. Nakangiti siya habang ako ay kulang na lang sumimangot sa kanyang harapan ngunit hindi niya iyon pinansin.

"Wala akong-"

"My Mom is not going to marry you! Because she will marry my Dad!" galit na sabat ni Moses. Nakalabas na rin ito ng kotse kaya narinig nito ang sinabi sa akin ni Alpha Abner.

Biglang nag-iba ang kulay ng mga mata ni Alpha Abner at naging pula. Kapag nagagalit ito ay nagiging pula ang mga mata. Nakakatakot. Hindi katulad ng anak ko na kapag nagagalit ay nagiging kulay blue-green ang mga mata.

Hindi ko alam kung namana ba niya kay Alpha Magnus ang katangiang ito dahil wala naman akong katangiang ganito. Tanging mga lalaking taong-lobo lamang nag-iiba ang kulay ng mga mata kapag nagagalit.

Akmang lalapitan ni Alpha Abner si Moses ngunit mabilis akong nakalapit sa anak ko at iniharang ang katawan ko sa pagitan nila.

"Ako lamang ang puwedeng magmay-ari sa'yo, Mavi. Hindi ako papayag na may lalaking aagaw sa'yo mula sa akin. Magdadaan muna sila sa ibabaw ng bangkay ko bago ka maagaw sa akin ng kahit na sinong lalaki," mapanganib ang boses na sabi sa akin ni Alpha Abner.

"Una, hindi mo ako pag-aari kaya wala kang karapatan sa akin, Alpha Abner. Magpapakasal ako sa kahit na sinong lalaki na magugustuhan ko at wala kang magagawa. At pangalawa, ilang beses ko nang sinabi sa'yo na hindi kita gusto. Hindi kita mahal kaya huwag ka ng magsayang pa ng oras mo sa akin," mariin ang boses na sagot ko sa kanya.

Nakaramdam ako ng takot nang halos maglabas na ng apoy ang kanyang mga mata. Ngunit hindi ko dapat ipakita at iparamdam kay Moses na natatakot ako dahil baka matakot din siya.

"You can try me, Mavi. Papatayin ko ang sinumang lalaki na magugustuhan mo o di kaya ay magkakainteres sa'yo. Tandaan mo iyan," galit na banta niya sa akin bago walang paalam na pumasok sa loob ng kanyang kotse at mabilis iyong pinaharurot palayo.

"I knew it, Mom! You will never like that arrogant alpha," nakangiting sabi ni Moses sa akin nang malayo na ang kotse ni Alpha Abner.

Nakangiting ginulo ng kamay ko ang kanyang buhok bago siya marahang hinila papasok sa bahay namin. Ngunit sa loob-loob ko ay hindi ko maiwasan ang mag-aalala sa mga sinabi ni Alpha Abner.

Hindi lingid sa akin na maraming mga tauhan si Alpha Abner. May business kasi ito na puro illegal. At marami rin akong nababalitaan na masyado ito cruel sa mga taong nagiging kagalit nito.

Kung si Alpha Magnus ay kilala bilang heartless and cruel Alpha ng Iron Pack ay ganoon din si Alpha Abner. Kaya kahit isa sa kanila ay ayokong magkaroon ng kahit anong kaugnayan. Ngunit nangangamba ako sa maaaring gawin ni Alpha Abner kapag naubusan na siya ng pasensiya sa akin. Baka may gawin siyang masama sa anak. Huwag naman sana.