Chapter 5

Mavi Pov

"Mommy!" malakas ang boses na tawag sa akin ni Moses nang makita niya ako.

Para akong natuklaw ng ahas nang tumingin sa kinaroroonan ko si Alpha Magnus. Kay Moses lamang nakatutok ang aking mga mata at kunwari ay hindi ko nakikita si Alpha Magnus. Ngunit sa sulok ng aking mga mata ay nakikita kong titig na titig siya sa akin habang nakakunot ang noo.

"Moses, come here," utos ko sa anak ko. Mabilis namang tumakbo palapit sa akin si Moses.

"Mommy, sabi ni Alpha Magnus ibibigay daw niya sa akin ang toy robot na gusto ko. Last stock na raw kasi iyong nabili niya," kausap sa akin ng anak ko. Lalo akong kinabahan nang banggitin niya ang pangalan ng taong nais kong kalimutan.

Siguro nagpakilala si Alpha Magnus sa anak ko kaya siya kilala ni Moses. Hindi ko alam kung ano ang nagpag-usapan nila ngunit sana ay tungkol lamang sa laruan.

"Let's go, Moses. Faster," hindi pa man nakakasagot ang anak ko ay mabilis ko na siyang hinila palabas ng toy store. Pero dahil gustong-gusto ni Moses ang toy robot na iyon kaya huminto ito at pilit na nilingon si Alpha Magnus.

"Wait, Mommy. I want that toy robot," protesta ni Moses.

"Wala nang stock ang toy robot na iyon sa store nila kaya sa ibang toy store na lang tayo maghahanap, okay?" Muli kong hinila si Moses at ipinagpatuloy ang paglalakad palabas ng toy store.

"Sandali lang, Miss!" boses ni Alpha Magnus. Huminto ako sa paglalakad ngunit hindi ko siya nilingon.

Bumilis ang tibok ng aking puso nang maramdaman kong naglakad siya palapit sa amin. Pero teka, bakit nga ba ako kakabahan? Ano ba ang ipinag-aalala ko? Kahit naman makita niya ang mukha ko ay hindi naman niya ako makikilala bilang ang babaeng naka-one-night stand niya nang gabing iyon. Maliban kasi sa madilim ang  loob ng bar dahil sa dim na mga kulay ng mga bombilya ay hindi rin niya matandaan ang mukha ko dahil sa kalasingan. At hindi rin niya makikilala na ako si Mavi, ang babaeng tinanggihan niya para maging destined mate niya dahil iba na ang mukha ko ngayon.

"What is it, Mister?" malamig ang boses na tanong ko sa kanya habang nakatalikod ako.

"He is Alpha Magnus, Mom He said that he wants to give me the toy robot if I want it,"  sabi ni Moses, halatado sa boses nito ang tuwa, pagkatapos ay nilingon si Alpha Magnus. "Are you really going to give me that toy robot, Alpha Magnus?"

"Of course. But it seems your Mom is not willing to accept my kindness," sagot ni Alpha Magnus. Feeling ko ay nakatingin siya sa akin dahil kahit nakatalikod ako ay tila nararamdaman ko ang mga titig niya.

"Mom, please?" pakiusap ng anak ko sa akin.

Huminga ako ng malalim bago ko hinarap si Alpha Magnus. "Thank you for your kindness, ngunit maghahanap na lang kami ng ibang store kung saan may nabebenta ng ganyang laruan," seryoso ang mukha na sagot ko sa kanya.

Hindi ko ipinahalata sa kanya na kinakabahan ako habang kausap siya. Kinukumbinsi ko ang aking sarili na wala akong dapat na ipag-alala dahil hindi niya ako makikilala.

"I'm sorry but if I'm not mistaken, the toy in my hands is the last stock in this mall. At sa tingin ko ay hindi ka na makakahanap ng ganito sa ibang mall dahil nagawa ko na iyon ngunit wala akong nakita maliban sa mall na ito," mahabang paliwanag ni Alpha Magnus habang titig na titig sa akin ang kanyang mga mata. " By the way, have we met before?"

Lihim akong napasinghap nang marinig ko ang tanong ni Alpha Magnus. Kahit hindi niya ako nakikilala dahil iba na ang hitsura ko ay tila nararamdaman pa rin niya ang aming koneksiyon.

"No, Alpha Magnus. We haven't met before," mariin kong tanggi sa kanya.

Tumingin si Alpha Magnus sa mukha ng anak ko pagkatapos ay bumalik sa mukha ko. Nakakunot ang kanyang noo at hindi kumbinsido sa sagot ko.

"Are you sure—"

"Are you serious na ibibigay mo sa batang iyan ang toy robot na binili mo para kay Argus?" tanong ng babaeng tumawag kanina kay Alpha Magnus. Nakasimangot na lumapit ito sa amin at tinapunan ako ng matalim na tingin.

"Yes, I am, Sonia. Okay lang naman kay Argus kung ibang toy robot ang ibibigay kong regalo sa kanyang birthday," walang gatol na sagot ni Alpha Magnus sa babaeng Sonia ang pangalan. Muling hinarap nito ang anak ko at ibinigay ang toy robot na hawak nito. "This toy robot is yours. Ingatan mo iyan, ha."

Nakahinga ako ng maluwag nang mabaling sa anak ko ang atensiyon ni Alpha Magnus. At ang anak ko naman ay abot-tainga ang pagkakangiti at nagniningning ang mga mata habang nakatingin sa laruang ibinigay ni Alpha Magnus

"Thank you very much, Alpha Magnus," nakangiting pasasalamat ni Moses.

"Naibigay mo na ang laruan na dapat para sana sa pamangkin ko kaya umalis na tayo. Maghanap na tayo ng ibang laruan na ibibigay sa kanya," sabi ni Sonia, hindi nito itinago ang inis sa boses nito.

"I'm sorry kung napunta sa anak ko ang laruan na dapat sa pamangkin mo. Kung gusto mo ay ako na lamang ang magbabayad ng laruan na mapipili ninyo sa bata," sabi ko kay Sonia.

Ayokong isipin ni Sonia na hindi ko kayang bilhin ang laruang hawak ng anak ko. Sa hitsura pa lang niya ay halatado namang minamaliit niya ako. Oo nga't hindi na ako kasing-yaman dati nang nakatira pa ako sa bahay ng Daddy ko ngunit natitiyak ko sa kanya na kaya kong ibigay ang anumang pangangailangan ng anak ko.

"No, thanks. Kaya naming bayaran ang bibilhin namin. And besides, I'm sure na hindi mo afford bayaran ang laruan na pipiliin ko dahil sobrang mahal niyon," nakataas ang kilay na sagot sa akin ni Sonia, ngayon ay ipinahalata na niya sa akin na minamaliit niya ako.

Kung wala sa harapan namin si Alpha Magnus ay makikipagtalo ako at hindi papayag na maliitin niya ngunit dahil nasa harapan namin si Alpha Magnus ay mas pinili kong huwag nang patulan ang parunggit ni Sonia.

"Since ayaw mo namang bayaran ko ang bibilhin niyong laruan ay aalis na kami," sabi ko kay Alpha Magnus sa halip na sagutin si Sonia. "Let's go, Moses." Hinawakan ko ang kamay ng anak ko para umalis ngunit bigla akong napahinto nang marinig ko ang biglang itinanong sa akin ni Alpha Magnus. Ang tanong na kahit kailan ay hindi ko nais na marinig at sagutin.