Chapter 46

HATING gabi na ngunit hindi pa rin dinadalaw ng antok si Catherine. Mahimbing na rin ang tulog ni Miggy na nasa tabi niya.

Dahan-dahan na bumaba mula sa kama si Catherine. Maingat ang bawat galaw niya upang sa ganun ay hindi magising ang anak na mahimbing ang tulog.

Ngunit nakailang hakbang pa lang siya ng kanyang mga paa ay narinig niya na nagsasalita si Miggy.

“Mommy…” Ani Miggy, half asleep.

Biglang bumalik ng kama si Catherine, atsaka mahihinang tinapik-tapik ang anak upang makatulog muli ito.

“Sleep well baby.”

Nang naka sigurado siya na talagang mahimbing na ang tulog ni Miggy ay muling bumaba ng kama si Catherine. Maingat ang bawat kilos upang hindi siya makalikha ng ingay.

Lumabas ng kwarto si Catherine, tuloy-tuloy ang hakbang ng kanyang mga paa patungo roon sa mini bar na nandito rin sa ikalawang palapag nitong bahay. She needs alcohol, upang makatulog siya. Ayaw niya rin magtake ng sleeping pills.

Tahimik ang paligid. Siya na lang yata ang gising nang mga sandaling iyon