Chapter 18

Erika's Pov

Matinding takot ang naramdaman ko nang hilahin ako ng taong tumakip sa bibig ko na isang lalaki. Nanlalaki ang mga mata ko habang sinusubukan kong makakawala sa mahigpit niyang pagkakayakap sa leeg ko mula sa likuran. Matinding pagsisisi ang nararamdaman ko dahil umalis ako sa tent ng mag-isa. Hindi man lang ako nagpaalam sa mga kasamahan ko kung saan ako pupunta para kahit paano ay may nakakaalam kung nasaan ako. Ngayon ay walang nakakaalam kung nasaan ako kaya wala ring nakakaalam na nalalagay sa panganib ang buhay ko.

Hindi ako pinanghinaan ng loob. Kapag hindi ako manlaban ay natitiyak ko na matatagpuan na lamang ng mga kasamahan ko ang malamig kong bangkay kinabukasan.

Nagkakawag ako na parang isda na nais makakawala sa loob ng isang lambat. Dahil sa ginawa ko ay bahagyang lumuwag ang pagkakatakip ng kamay ng lalaki sa bibig ko. Sinamantala ko ang pagkakataong iyon at mariing kinagat ang palad nito. Napasigaw ito ng malakas at lumuwag din ang pagkakayakap ng braso ni