Chapter 110

Lauren's Point of View.

Pero babalik ako, babalik ako at paulit ulit na ipaiintindi sa kaniya ang lahat. Papalamigin ko lang muna ang ulo niya upang mas lumawak ang pang-unawa niya. Habang nakatulala sa langit ay narealize ko na lang na tumigil kami sa isang isla rin sa kung saan may mga taong naninirahan at marami sila.

Alas onse na ngunit nagsisiyahan pa rin ang mga tao rito dahil sa malaking apoy sa gitna at may kainan. "Iiwan ka na ho namin." Paalam ng isa kaya nakatayo lang ako habang walang hawak na kahit ano kundi ang sarili ko.

Hindi ko alam kung saan ako tutuloy, o kung saan ako dederetso. Wala silang binigay na kahit ano at kahit piso wala ako. Wala naman akong kasalanan.

Bakit kailangan kong danasin lahat ng ito? Kung hindi ako nagahasa bakit wala akong maalala? Anong nangyari ng gabing 'yon at bakit hindi ko maalala?

Sa paglakad ko ay pagod na pagod akong naupo sa gilid ng kahoy sa kung saan iniisip ko si Sierah at si Zai. "Neng, gabi na ano't nandito ka sa gili