Chapter 9 - Negotiable

~Fern~

Bumalik ako sa wisyo nang magsalita na ang pari. Kanina pa ako nakikiramdam, hinihintay kong kumustahin niya ako kahit man lang sana, ‘Long time no see?’ pero wala!

Wala tuloy akong kagana-gana sa kasal na ‘to!

Wala akong naintindihan sa sermon ni father. Akala ko pa naman magiging memorable ‘to sa ‘ming dalawa nang makilala ko siya kanina.

‘Memorable naman ‘to ah!’ sabat ng isipan ko na mapang-asar.

“Now, I pronounce you as a husband and wife,” sabi ni father.

Whoa! Ang bilis, tapos na agad. May asawa na talaga ‘ko!

“You may kiss your bride.”

Magkaharap kaming dalawa at saglit kaming nagkatitigan. Wala akong mabasa at makitang emosyon sa mga mata niya. Tila nagbago siya, hindi ganito ang mata niya no'ng matitigan ko siya dati.

Itinaas niya ang belo ko, napalunok ako dahil sa kabang nararamdam ko. Unti-unti niyang inilapit ang kan’yang mukha sa akin at kusa namang pumikit ang mga mata ko habang hinihintay kong dumampi ang kaniyang labi sa akin.

Pero hindi– Nagmali ako nang