Surprise party

Sabay na bumaba si Keane at Allyana sa kotse, nang nasa harap na sila ng isang hotel. Napatingin naman si Allyana sa hotel at nagtatakang tumingin kay Keane.

"W-What are we doing here?" naguguluhan niyang tanong sa kaibigan.

Napangisi lang si Keane sa kanya at hinawakan siya sa braso at hinila papasok sa loob ng hotel.

"Woi, ano bang gagawin natin dito?" muling tanong niya dito.

"We're having a surprise for you. Tomorrow will be your wedding, that's why we granted you a surprise," nakangiting sabi nito habang hawak siya nito sa braso.

Kahit naguguluhan ay sumunod na lang siya dito. Sumakay sila sa elevator at nang nasa loob na sila ay muli siyang tumingin kay Keane.

"A-Ano bang klaseng surprisa iyon, Keane? B-Bakit parang kinakabahan ako?" tanong niya dito.

"Duh? Surprise nga di ba? Well, kailangan mo talagang kabahan, dahil mawawala na ang pagiging inosente mo," pabirong sabi nito sa kanya.

Nanlaki naman ang mata niya habang nakatingin kay Keane. Natawa naman si Keane sa naging reaksyon niya. Alam nito na masydong inosente ang kaibigan, kaya naman naisipan niyang isurprisa ito at nasisiguro siyang hindi agad ito makakalimutan ang mangyayari ngayong gabi.

"Ang O.A mo ha, naroon naman ang ilan sa kaibigan natin. We are all girls, okay? No boys allowed, because that's for a girls surprised," sabi ni Keane sa kanya.

Ngunit mas lalo lang siyang kinabahan sa sinabi nito. Hindi niya alam kung ano nga ba ang surprisa nito sa kanya. May tiwala siya kay Keane, dahil nga bestfriend niya ito simula pa noong bata pa sila hanggang ngayon. Ito pa nga ang tuwang-tuwa dahil ikakasal na siya bukas sa lalaking mahal na mahal niya, nang halos sampung taon din at iyon ay si Dylan McDaniel. Ang lalaking nagpatibok sa puso niya at pinakamamahal niya.

Nang bumukas ang elevator ay lumabas na sila at muling pumasok sa isang silid. Pagpasok nila ay bumungad sa kanila ang dilim ng paligid. Mayamaya ay bumukas ang munting ilaw at natigilan si Allyana sa kanyang nakita.

"Surprise!"

Napalingon siya sa biglang pagsigaw ng mga tao na nasa loob, kasabay ang pagsabog ng isang confetti. Napalunok si Allyana, habang nakatingin sa mga kaibigan niya. Nakita niya pa ang isang maliit na stage sa gitna at mga alak sa dalawang mesa, na may mga pagkain.

"You like it?" sabi sa kanya ni Keane.

Napapangiti naman si Allyana habang nakatingin sa mga kasama niya. Bumaling siya kay Allyana.

"A-Anong klaseng surprisa naman ito, bakit may stage pa sa gitna?" tanong niya dito.

Napaikot naman ni Keane ang kanyang mga mata dahil sa sinabi niya. Hinawakan siya nito at hinila palapit sa mga kaibigan nila.

"Oh guys! Alam niyo na ang gagawin huh? Kailangan maging handa si Allyana ngayong gabi para kay Dylan. So, let's start the show!" sigaw ni Keane sa mga kasama nila.

Nagsigawan sila at mayamaya ay biglang may lumabas na mga lalaki mula sa likod ng stage. Nanlaki ang mga mata ni Allyana dahil sa kanyang nakita. Naka-boxer lang ang mga ito at may suot na maskara. Napalunok si Allyana at bahagyang umiwas nang tingin. Siniko siya bigla ni Keane, na natatawa sa naging reaksyon niya.

"Ano ka ba, ikakasal ka na bukas. Kaya sulitin mo na ang pagiging dalaga mo at pagka-inosente. Kaya mag enjoy na lang tayo ngayong gabi. Halika na!" nakangiting sabi ni Keane at hinila na siya malapit sa mesa. Sumunod na rin ang mga kasama niya at tuwang-tuwa sa nakikita nila.

Nagsimulang sumayaw sa harapan ng stage ang mga lalaki. Habang napapahiyaw naman ang mga kaibigan ni Allyana sa show na kanilang nakikita. Kaya naman hinayaan na lamang niya ang sarili na mag enjoy, kahit alam niyang hindi siya sanay na may nakikitang naka-boxer lang na nasa harapan nila.

Hindi alam ni Allyana, na ganoon din ang nangyayari sa mga lalaki na magiging abay nila sa kasal at maging si Dylan; ang lalaking pakakasalan niya. May mga babae rin, na tulad sa nagaganap sa kanila ay sumasayaw rin ang mga babae habang nakatingin sa mga ito ang lalaki.

"Okay! Let's drink! Here besty, enjoy yourself okay?" sabi ni Keane at inabutan ng alak si Allyana.

Natatawang inabot naman iyon ni Allyana at muling tumingin sa mga lalaking sumasayaw na nasa gitna. Habang patuloy itong sumasayaw ay naghihiyawan naman ang mga kaibigan niya. Napapailing na lang siya at patuloy na umiinom sa alak na binibigay ni Keane. Nang lumalim na ang gabi ay mas lalong naging wild ang mga kaibigan niya. Maging siya ang tinamaan na rin ng alak. Sumasabay na siya sa mga kaibigan niya. Mayamaya pa ay bumaba ang mga lalaking sumasayaw at lumapit sa kanila. Tumabi ang mga ito at sumayaw ng malapitan sa kanila. Sinabayan naman nila ang mga ito, lalo na si Allyana na medyo lasing na. At dahil hindi sanay sa inuman si Allyana ay nauna itong nakatulog sa mga kaibigan niya.

Madaling-araw na, nang matapos ang kasiyahan nila at umalis na rin ang mga lalaking binayaran nina Keane para kay Allyana. Umuwi na rin ang kaibigan nina Allyana, para na rin maghanda sa gaganaping kasal nito. Naiwan si Keane at Allyana sa hotel room, kung saan ginanap ang party.

Nakahiga na si Allyana sa kama at mahimbing na natutulog. Nakatingin siya dito at napailing na lang. Mayamaya ay narinig niya ang pagtunog ng doorbell sa silid kung nasaan sila.

Naglakad siya palapit sa pinto at binuksan ito. Nabungaran niya ang lalaking kilalang-kilala niya at napangisi siya dito.

"Where is she?" tanong nito sa kanya.

"She's sleeping, come in," sabi niya dito.

Hindi ito nagsalita at pumasok na. Pinuntahan nito si Allyana na natutulog sa kama. Lumapit na rin si Keane at mula sa likod ay yumakap si Keane dito.

"Did you enjoy the party?" tanong niya dito.

Hinawakan nito ang kamay niya na nakayakap dito at marahang pinisil. Humarap ito kay Keane at hinawakan ang pisngi ng dalaga.

"Oo, lalo na at makakasama kita ngayon," sabi nito at biglang hinalikan si Keane.

Agad ding tumugon si Keane sa ginawang paghalik nito sa kanya. Hindi nila alintana ang natutulog na si Allyana, na sa anumang oras ay makikita nito ang ginagawa nila.