Kabanata 4

Nagising ako sa mahinang katok mula sa pinto, nag-inat muna ako bago tuluyang tumayo at binuksan ang pinto ng aking kwarto.

Matagal akong nakatulog kagabi dahil sa nagbabalik sa diwa ko ang halik na pinagsaluhan namin ni Mike. Inaamin kong masarap sa pakiramdam, pero masasabi ko ring imposible dahil sa hinagap hindi ang tipo ni Mike ang type niya sa isang lalaki.

"Pack your things, pupunta tayong lahat sa Hacienda Montenegro nakakabuti kung doon na muna natin dadalhin si Mama para sa kalusugan niya," tugon ni Mike sa akin.

Nag-angat ako ng tingin sa kausap. Kunot-noong nakatitig lang ako sa mga mata ni Mike. Nang hindi sinasadyang bumaba ang tingin ko sa mapupula nitong mga labi, wala sa sariling nakagat ko ang pang-ibabang labi.

"Titingnan mo na lang ba ako o ako pa ang magpapaligo sa'yo sa loob ng banyo mo?" seryosong saad ni Mike sa akin, bakas sa boses nito ang pang-aasar sa akin.

"Ang kapal ng mukha mo, subukan mo at nang makatikim ka sa'kin ng suntok," galit kong sagot sabay sara ng pintuan, pero bago ko pa tuluyang maisara ang pinto ay naharang na agad ito ni Mike ang matipuno nitong braso. Nagulat ako sa ginawa nito at mabilis pa sa hangin na nakapasok si Mike sa looban ng aking kwarto.

"Not so fast!" Nakakalokong turan ni Mike.

"Ano'ng ginagawa mo? Hindi ako nagbibiro talahang makakatikim ka talaga sa'kin!"

Naiiling na napapangiti lang sa akin si Mike at mabilis na tinungo nito ang aking drawer at may kinuha roon. Itinaas ang susi ng kotse nito at kumindat pa sa akin ng pilyo. Paano nga ba napunta sa drawer ko ang susi ng kotse nito? Ano iyon magic?

"Wag kang O.A. heto lang kailangan ko, kung makapag-react kala mo naman re-rape-in kita, hindi ko type ang mga flat chested," tugon nito at saka ako tinalikuran.

Saka lang din ako nakahinga ng maayos, ngayon ko lang napansin na hindi na pala ako humihinga dala ng matinding kaba.

Napasapo tuloy ako sa aking dibdib, pagkatapos ay tinungo ang banyo para maligo, hindi ko mapigilan ang mapanguso.

"Ako flat-chested? Aba! Ang kumag ang kapal ng mukha! Sanay ka lang siguro makakita ng mga malalaki ang hinaharap. Bwēsit na lalaking 'yon. " Kausap ko sa sarili na parang baliw. Bwisit na lalaking 'yon.

Pagkatapos kong maligo ay nagbihis agad ako, mabilis ang kilos na inayos ang mga gamit sa loob ng aking maleta, pagdakay tumayo at lumabas sa sariling silid.

"Handa na ba ang lahat?" Narinig kong tanong ni Micah sa lahat at ngumiti ito nang ubod ng tamis, palibhasa'y excited itong pumunta ng hacienda dahil paborito nitong makasakay ng kabayo.

"I'm glad na sasama ka pala sa'min hija, ilang araw na lang at bubukod ka na sa mga Montenegro," turan ni Tito Marco, napalingon sa gawi namin sina Mike at Micah.

"Is that true ate, Levi?" Nagtatakang tanong ni Micah sa akin, bakas sa boses ang labis na pagkagulat.

Napansin kong tahimik lang si Mike na waring sa tingin ko ay parang nakikinig lang sa tanong ni Micah sa akin. Tumango ako kay Micah bilang sagot sa tanong nito.

"Really?!" Bulalas pa ni Micah, halatang hindi makapaniwala.

Lumapit sa akin si Tita Thalia at niyakap ako nito ng mahigpit. "Pero hindi na matutuloy 'yon dahil ikakasal ka kay Mike. At alam kong hindi niyo ako bibiguin, sa taong tulad ko na malapit nang lisanin ang mundong ito," ani pa ni Tita Thalia sa lahat ng nakarinig.

Napasulyap kami dahil napaubo si Tito Marco samantalang si Micah ay gulat na napatakip sa sarili nitong bibig.

"Sweetheart, are you serious? Pero paano ang kinabukasan ni Levi, we know na hindi magkakasundo ang dalawang 'to? I think, that's not good sweetheart." Mababanaag ang pagtutol sa anyo ni Tito Marco.

"My decision is final Marco, hindi ko bibigyan ng mana si Michael Angelo kung hindi niya pakakasalan si Levi, at walang makakapigil sa desisyon kong ito."

"Pero Mama, how about ate Levi? Paano po ang feelings niya? Naisip niyo po ba iyon? I think, it's unfair po iyon sa side niya." Si Micah na hindi parin makahuma sa gulat.

"No, for me, it's okay. I can handle it, two years lang naman kaming magsasama ng kuya mo, well, kung mag-work ang relasyon namin mas mabuti, kung hindi naman pwede naming i-annul ang kasal," singit ko. Ni hindi ko alam kung saan ako humugot ng lakas para sabihin iyon.

Naiiling lang si Mike sa may gilid. "Do you think it is okay with me?" Sarkastikong hirit naman ni Mike.

Ngumiti ako kay Mike ng pagkatamis-tamis saka ito hinila palayo patungo sa napaka-colorful na hardin ng mga Montenegro. Nag-signal muna ako kina Tita Thalia, Tito Marco at Micah bago tuluyang tinalikuran namin ang mga ito.

"Pwede ba, kung O.A. ako, mas O.A. ka, sakyan na lamang natin ang mama mo sa gusto niya, dahil kung ako lang talaga hindi ako papayag sa gusto n'ya, for pete's sake Mike, alalahanin mo naman ang health ng ina mo kahit ngayon lang, pwede ba kontrolin mo 'yang sarili mo na magalit. Gawa tayo ng kasunduan pagkatapos ng kasal natin, problema ba 'yon. Uso naman 'yan, tulad na lang sa nababasa ko sa mga pocketbooks, w*****d, yugto, at d****e." Mahabang paliwanag ko kay Mike na ngayon ay nakatulala lang sa aking mga sinabi.

"Alam ko namang maganda ako e, kaya pwede ba sumagot ka na man, huwag iyong nakatitig ka lang sa mukha ko, nakakailang, ano na, Deal?" muli'y pukaw ko sa nakatulala pa ring si Mike.

Napansin kong napalunok ito sabay iling, halatang nagulat ito sa aking mga sinasabi. Siguro ay hindi ito makapaniwala sa narinig mula sa akin. "I'm speechless, fine. I could say, you're an extraordinary woman na pati ang pagbabasa mo ng mga pocketbooks ay na-a-apply mo sa sarili mong buhay."

"Of course, life is like a fairytale. Malaki ang utang na loob ko sa pamilya mo Mike. Kung wala sila siguro napariwara na ang buhay ko ngayon. Kaya sabi ko na man sa'yo 'di ba? Lahat kakayanin ko para sa pamilyang 'to."

"Whatever, could you please gett off your hands on me, let's go at baka ano na naman ang isipin nila sa atin." Kunot-noong tugon ni Mike.

Mabilis na nabitawan ko ang isang braso ni Mike, umirap na lamang ako at sumunod dito pabalik sa kinaroroonan nina Tita Thalia, Tito Marco at Micah.

"Get in," utos ni Mike sa akin.

Kung bakit ba na man kasi dito pa ako sa kotse ng damuhong ito pinasakay nina Tito Marco at Tita Thalia? Halata talagang pinaglapit kami ng mga ito. Hindi na iyon bago sa akin, t'saka, nabasa ko na rin ang ganitong eksena sa mga librong binabasa ko.

"Remind ko lang sa'yo, ha? Huwag na huwag mo akong bulyawán. Kundi bababa ako dito sa kotse mo," paalala ko kaagad kay Mike na ngayon ay naka-kunot ang noo.

"Wala kang pakialam kung ano'ng gagawin ko, pwede ba 'wag mo akong pangunahan sa mga reaction ko, paalala ko lang sa'yo sampid ka lang sa pamilyang 'to! Baka kasi nakalimutan mo." seryosong sagot ni Mike sa akin.

Lihim na nasaktan na naman ako sa ilang salitang binitiwan ni Mike, ngunit nanatili parin akong cool sa harapan nito.

"O,, ba't nandiyan ka sa likod? Levi, hindi mo ako driver baka nakalimutan mo, dito ka sa front seat!"

Mabilis ang kilos na lumipat ako sa front seat, in-lock ko agad ang aking seatbelt, saka ako nagpakawala ng marahas na buntong-hininga, naramdaman kong pinaandar agad ni Mike ang naturang kotse nito.

Pinili ko na lamang na maglibang sa ilang mga nadadaanan naming tanawin ni Mike, Inayos ko ang earphone sa aking tenga habang nakikinig ng love songs. Hanggang sa hindi ko namalayang dahan-dahan na pala akong hinihila ng matinding antok.

***

Nagising ako sa malambot na kama, iginala ang paningin sa kwartong kinaroroonan, hindi pamilyar ang lugar, saka ko na-realize na nakatulog nga pala ako kanina sa kotse ni Mike.

Tumayo ako at sumilip sa bintana at mula sa bintana ay nakita ko ang malawak na patag. Nandito na nga pala ako sa Hacienda Montenegro, nagpasya akong maligo muna bago lumabas ng kwarto.

Hinanap ko ang sina Tita Thalia, Tito Marco, Mike at Micah ngunit hindi ko matagpuan ang mga ito. Naisipan ko na lamang lumabas at tinungo ang pool saka ko doon natagpuan sina Micah at Mike na matamang nag-uusap. Naisipan kong magkubli sa may puno ng mahogany.

"Kuya, is that really true? How come na napapayag ni Mama si Ate Levi?"

"Hindi ko alam Micah, pwede ba 'wag na nating pag-usapan ang mga bagay na 'yan, I want to relax my mind!"

"Don't you think, iyon ang tama, kuya? That's ridiculous! Sa tingin ko naman pwede pa kayong umatras ni Ate Levi."

"Gustuhin ko mang tumutol pero hindi ko rin magawa Micah, inaalala ko ang kalagayan ni Mama. Ayoko siyang atakehin sa puso. Minsan nga naisip ko nagda-drama lang si Mama. And that's really unfair." Nakita kong naiiling na tugon ni Mike kay Micah.

Napalunok ako mula sa aking kinukublihan saka maingat na nilisan ang pool at tinungo ang kwadra. Hinanap ko na lamang ang paborito kong kabayo na si Sapira at nadatnan ko si Mang Ben na nagpapakain ng mga kabayo.

"Mang Ben, kumusta po kayo," masiglang tanong ko.

"Hija ikaw pala, mabuti na man at gising ka na. Mukhang pagod ka nga kanina sa biyahe dahil kahit anon'ng gising ni senyorito Mike sa iyo tulog mantika ka pa rin, mabuti na lang at naisipan niyang buhatin ka patungo sa kwarto."

Nagulat akosa narinig mula kay Mang Ben, meaning si Mike ang bumuhat sa akin, bigla tuloy namula ang aking magkabilang-pisngi, humihilik pa na man ako kapag sobrang pagod. Lihim akong napamüra sa isipan.

"Po, si Mike po ang bumuhat sa'kin kanina?" Gulat kong sagot kay Mang Ben.

"Oo hija, mabuti na lang napilit ni Mrs. Montenegro na buhatin ka," sagot ni Mang Ben sa akin.

Biglang nakaramdam ako ng hinayang sa muling sinabi ni Mang Ben. Buong-akala ko pa naman ay concern ang mokong sa akin 'yon pala'y inutusan lang pala ito ng ina. Hindi ko tuloy mapigilang mapasimangot sabay nguso.