28. Ex-Housemate

Wala ng salitaan, diretso agad pasok si Selena, habang si Earniel ay naging mailap ang mata sa akin, nauna na din siyang pumasok sa kwarto, hindi na nito nagawa pang kumain! sumunod ako sa kanya, hinanda ko na ang masusuot niyang pantulog, habang nasa banyo pa siya at nagbabanlaw.

Nilapitan ko kaagad siya pagkalabas niya ng banyo at tinuon ko na punasan ang basa niyang katawan na tapis lang ang suot.

“Kanina ka pa ba naroon?” Tanong niya habang binubutones ko ang pantulog niya.

“Hindi, kakarating ko lang, may nangyari ba?” Tingala ko sa kanya.

“Wala naman!” sabay naupo siya sa silya at binuksan ang laptop niya. Nasilip ko sa orasan na ala-una pa lang ng madaling araw, sinuot niya ang reading glass niya, ibig sabihin magtatagal siya at mamaya pa matutulog.

Habang abala siya sa pagkutingting ng laptop niya ay siya namang paglapit ko, pinulupot ko ang mga braso ko sa balikat niya, sa tainga niya ay humihip ako ng mahina sabay nilapat ko ang labi ko sa leeg niya at marahan na humalik. Na