Kabanata 44

( Thalia's POV )

Tatlong araw akong nanatili sa ospital bago nakalabas. At lubos ang pasasalamat ko dahil gaya ng pangako ni doktora, wala nga siyang ibang pinagsabihan kaya walang ibang nakakaalam ng pagbubuntis ko maging si Manang Sonya.

Ang iisipin ko nalang ay kung paano ako makakagawa ng paraan para makatakas bago pa lumubo itong tiyan ko. Alam ko namang napakalabo at napakaimposible pero kailangan kong subukan ngayon para sa kaligtasan namin ng anak ko.

Pagkalabas namin sa gusali ay bumungad agad sa amin ang sumundong magarang sasakyan. At isa pa ito sa koleksyon na sasakyan ng halimaw!

Sinong mag aakala na ako ay isang bilanggong akusado lang pala gayung napakarami kong bantay na bodyguards at may sariling driver pa!

"Si Señorito talaga nakahanda palagi maging sa pag uwi natin! Kakaunti nalang mag iisip na talaga akong espesyal ka sa kanya eh." Mahinang tudyo ni Manang Sonya na may pasiko pa sa tagiliran ko.

Inilingan ko nalang ito dahil hindi naman ako assumera.

"Diyan