Kabanata 47

Mabilis lumipas ang araw at naging abala ako sa pagtulong kay Manang Sonya kinabukasan. Kahit na ayaw pa sana niya akong payagan ay naging mapilit ako dahil alam kong kailangan niya rin ng tulong lalo pa't nag iisa nalang siya na kasambahay rito.

Yun nga lang, ang isa sa nakakairita ay ang presensiya ni Krista na kung makapag utos ay tinalo pa ang isang Presidente. Gusto kasi nito ay ura urada na para bang siya lang mag isa ang pagsisilbihan.

Pero kahit nakakairita ay wala naman akong magawa kundi sumunod dahil kahit hindi siya ang may ari nitong mansyon ay binigyan naman siya ng karapatan ni Don Vivencio na manatili rito.

Kagaya na lamang ngayon. Kasalukuyan akong nagwawalis sa sala habang ito'y nakaupo sa couch at nanonood ng palabas sa TV.

"Hoy! Ipagtimpla mo nga ako ng juice yung malamig na malamig ha!" Walang galang na utos nito sa 'kin at sa pasigaw pa na paraan.

Huminto ako sa ginagawa at nakayukong sumagot kahit yong kaibuturan ko ay nanggigigil na sa kanya.

"Masus