Kabanata 49

( Thalia's POV )

"Matulog ka na. Huwag mo ng alalahanin ang mga nangyari dahil hindi naman natuluyan ang bruha. Magpaliwanag ka lang kay Señorito ,mauunawaan niya naman siguro lalo pa't kilalang kilala niya ang sama ng budhi ng Krista na yon." Pagpapagaan ng loob ni Manang Sonya sa akin. Nauna na kasing umuwi kanina ang isang tauhan na kasama ng halimaw kaya iyon ang napagtanungan niya.

Kay laking ginhawa sa akin nang malaman naming ligtas na ang bata sa sinapupunan ng Krista na yon, na hindi iyon nakunan.

Bumangon ako sa pagkakahiga at umayos ng upo sa kama. Kasalukuyan na kaming nasa maids quarter ngayon ni Manang Sonya at nakahiga sa magkaibang kama na magkaharap lang.

Mapait akong napangiti kay Manang dahil alam kong napakalabo ng sinasabi niya na mauunawaan ako ng halimaw. Napakaimposible dahil hindi naman iyon marunong makinig. Isa pa, ama siya ng batang muntik ng mapahamak dahil sa pagtatanggol ko sa aking sarili.

"Napakalabo po Manang. Mukhang kailangan ko na naman p