Kabanata 50

Lumipas na ang gabi at pasalamat nalang akong nagawa ko pang matulog kahit pa man sa kinakaharap na hirap at haharapin pang mga problema. Ayaw pa sana akong dalawin ng antok pero pinilit ko ang sarili dahil ayaw kong madamay ang anak ko sa nangyayari.

At ang ipinagpapasalamat ko nalang ay yong hanggang doon lang ang ginawang pananakit ng halimaw, na yung braso at panga ko lang ang sumakit at alam kong nagkaroon ng pasa dahil sa mahigpit na pagkakahawak niya. Buti nalang at hindi ang katawan ko ang nasaktan. Natatakot ako para sa kalagayan ng baby ko.

At ang lubos na nakakapagtaka ay yong ginawa niyang pagsuntok sa sementadong pader na alam kong sinadya niya na huwag akong patamaan na nagresulta pa ng pagkasugat at pagdurugo ng kamao niya.

Bakit niya iyon ginawa?

Napalunok ako ng mariin bago nagpakawala ng isang malalim na buntong hininga. Ano din bang nangyayari sa 'kin, dapat hindi ko na iyon binibigyan pa ng ibang ibig sabihin, dapat hindi ko na iniisip yon dahil baka hinaha