Kabanata 20

[Meghan's POV]

Ilang buwan na rin ang nakalipas. Simula ng mawala si nanay at nalaman kong may iba na si Brandon ay naging matamlay na ako sa araw-araw.

Hanggang sa diyaryo ko nalang natititigan si Brandon. Masakit, sobrang sakit! Iisipin ko nalang na lahat ng mga panahong nakasama ko siya ay isang panaginip lang.

Imbes na bumalik sa trabaho ay naisipan ko nalang na tumanggap ulit ng labada para may panggastos sa pang araw-araw. Wala pa kasi akong gana ngayon at baka pumalpak lang ako pag pinilit ko.

Ngayong araw ay naisipan kong iligpit ang mga lumang gamit ni nanay. Sa isang maliit na aparador namin ay may nakita akong isang maliit na box na gawa sa kahoy. At nang buksan ko ito ay nakita ko ang mga pictures noong sanggol pa lamang ako. May karga-karga ako ni nanay at may mga solo naman na nakadapa. Kahit papaano ay napapangiti akong tinitingnan ang mga ito. 

Nang hinalungkat ko pa ang ibang laman nito ay umagaw sa atensyon ko a