Chapter 240: She Barged Into His Room

NAMUTLA si Manang Carol sa sinabing ito ni Denise. Napilitan siyang tumabi at binigyan ito ng alanganing ngiti. Batid niyang may dahilan si Reymond kung bakit nagsusuot ito ng mask sa tuwing lumalabas at hula niya may kinalaman ang magandang babae na nasa harapan niya ngayon. 

“So, okay na po ba akong pumasok?” hinging pahintulot ni Denise. 

Sunud-sunod na tango ang naging sagot ni Manang Carol. “Papasok na rin po ako sa loob, sabay na po tayo.” 

Nauna na itong humakbang. Kitang-kita ni Denise ang pamumutla ng matanda. Hindi niya alam kung bakit ganon ang reaksyon nito ng makita siya na papasok sa main entrance. Nagtangka pa itong harangin siya. 

Gusto niya sanang tanungin ang matanda ngunit mas pinili niyang tumahimik nalang.