Kabanata 12.3

Kabanata 12.3

“Hi, Miss Greta!” nakangiting bati ni Arya habang inaayos ang kaniyang buhok.

“Alam ba ni senyorita na nasa loob ka ng kaniyang sasakyan?” Hindi pa rin mawari ni Greta kung bakit nakasakay sa Rolls Royce si Arya kasama ni Mariz.

Tumango si Arya.

“Napakasipsip mo talaga! Sabagay, saan ba kakapit ang isang linta kung hindi sa taong sagana sa dugo,” patutsada ni Greta.

“Ikaw babae! Sino ka para pagsalitaan nang gan’yan si senyorita?” Hindi na napigil ng driver ang kaniyang bibig. Mahigit tatlumpung dekada na siyang nagtatrabaho sa mga Armani at ngayon lamang siya nakasaksi ng isang babaeng tampalasan ang bunganga!

Tumawa nang malakas si Greta. “Hoy, manong! Kailangan mo na yatang palitan ang salamin mo! Tinawag mo lang namang senyorita ang isang babaeng napakababa ng lipad. Sigurado akong aalisin ka ni Senyorita Mariz sa trabaho mo kapag nalaman niyang ikinumpara mo siya sa hampaslupang si Arya!” Patuloy siya sa pagtawa.

“Malinaw pa ang mga mata ko, babae! Itong salamin kon