Kabanata 10.6

Kabanata 10.6

“Peste talaga ang babaeng impaktang ‘yon. Wala na ngang saysay ang naka-print sa mga papel, wala pang laman itong USB. Bwisit!” Itinapon ni Greta ang USB sa basurahan. Inayos niya ang kaniyang buhok at huminga nang malalim.

Biglang may kumatok sa pinto ng opisina ni Greta.

“Come in,” inis na sambit ni Greta. Mas lalo siyang nainis nang makita niya ang mukha ng head ng sales and marketing department na si Ms. Park. “Bakit ka nandito?” tanong niya habang abala na sa pagtitipa sa kaniyang laptop.

“Ma’am may problema po tayo,” bungad ni Ms. Park.

Nag-angat ng tingin si Greta. “Is this about our recent project?”

Tumango si Ms. Park.

“What about it?” Ini-shutdown muna ni Greta ang kaniyang laptop.

“Eh kasi ma’am bigla na lang pong nag-pull out ang mga big investors natin nang mabalitaan nilang hindi na itutuloy ng mga Gray ang pag-iinvest sa project. Mismong secretary po ni Mr. Gray po ang tumawag kani—”

Napatayo si Greta. Hinampas niya nang malakas ang mesa habang nanlilisik