Kabanata 11.4

Kabanata 11.4

“I heard na close na raw kayo ng apo ni Don Fridman na si Mariz. Totoo ba ‘yon, Arya?” tanong ni Damon habang pinagmamasdan si Arya. Tapos na silang mag-meeting at napagkasunduan na rin nila kung sino-sino ang mga taong ilalagay nila sa bawat departamento.

“Yes, we are. Bakit mo naitanong?” walang emosyong tugon ni Arya habang nagtitipa sa kaniyang laptop.

“Single pa ba si senyorita?” tanong ni Damon. Kinamot niya ang kaniyang ilong.

“Hindi ko alam. Bakit? Liligawan mo siya? Sa tingin mo may pag-asa ka sa kaniya?” natatawang turan ni Arya. ‘Nagsawa na agad siya kay Greta? Mukha namang okay sila eh. Ano kayang naging problema? Teka, bakit ko ba sila iniisip?’

“Pinag-iisipan ko pa,” ani Damon.

Natawa si Arya sa kaniyang narinig. “Pinag-iisipan? Paano si Greta? Akala ko ba mahal mo siya?”

“Oo, mahal ko siya kaso…” Tumigil sa pagsasalita si Damon. ‘Kaso mas mahal na yata kita. Ano ba itong naiisip ko?’

“Kaso?” Tumigil sa pagtitipa si Arya. Kinuha niya ang kaniyang cell phone