Chapter 8- Logan, tama na!

“Kawawa naman siya. Gusto niya siguro talaga yung lalaki para ipahiya niya ang sarili niya ng ganyan.” Ang sabi ng kliyente ni Bobby.

Kanina pa niya gustong tumayo at lapitan si Pan pero hindi niya magawa dahil natulala na silang lahat kanina nang magkagulo na.

Tatayo na sana siya ngayon para lapitan ang nakakaawang kaibigan nang makita niya si Logan na naglalakad papunta sa gawi ni Pan. Nanigas na naman siya sa kinauupuan niya at napainom ng tubig.

‘Bakit narito ang ex niya?’ napapatanong nalang talaga si Bobby sa sarili niya. Hindi niya maintindihan kung kamusta ang takbo ng mundo.

Ang kaibigan niyang loyal noon kay Logan, hinahabol ang lalaking step-brother ng ex nito. Ngayon, ang ex naman niya, ay narito at patungo sa kaniya.

“Sino na naman yang binatang yan?” tanong no’ng kliyente ni Bobby na ngayon ay nakamasid kina Logan na tinatayo si Pan mula sa sahig.

“Grabe. Ang dami naman niyang lalaki. Sabagay, maganda siya.”

Napangiti nalang si Bobby at napainom nalang ulit ng tubig haba