Chapter 44- Kahit konti lang

Nasa kama na sila, at nakahiga si Pan sa mga bisig ni Juancho. Sa totoo lang, hindi matanggal sa isipan ni Pan kung anong dahilan at bakit gusto siyang hanapin ni Logan.

Sa kalagitnaan ng pag-iisip niya, biglang tumawag si Lianne.

Napatingin si Pan kay Juancho. Kumirot ang puso niya pero agad niya yung ipinagsawalang bahala. Lumayo siya kay Juancho.

Si Juancho naman ay tinitigan siya. Hindi niya makitaan ng kahit na anong bahid ng pagsi-selos si Pan. Hindi niya alam bakit pero naiinis siya doon.

Tumayo siya para sagutin ang tawag.

Nang lumabas si Juancho ng hotel room, tumayo si Pan para makaligo.

Pumasok siya ng banyo at agad niyang kinausap ang sarili niya sa harapan ng salamin. “Pan, hindi mo boyfriend si Juancho. Boyfriend siya ng iba.”

Pinilit niyang ngumiti pero may kirot talaga sa puso niya.

“Pan, hindi ka pwedeng mainlove sa kaniya. Pag-aari na siya iba at isa pa, oras mainlove ka kay Juancho, hindi mo na kayang hilingin sa kaniya ang pakay mo.” Sabi niya sa sar