Chapter 50

Sandra's POV

HINDI KO mahanap ang itutugon sa sinabi ni Lucas. Tila umurong ang aking dila dahil sa tanong niya na nais ko sanang sagutin.

Maging si Gab ay natulala nang marinig ito. Mariin niyang kinuyom ang kanyang kamay at halatang nais na niyang manakit.

Mabilis na lumakad si Trina sa aming kinaroroonan. Hinatak niya ang damit ni Lucas dahilan upang marahas itong mapatayo at tuluyan akong hindi nakatugon.

"What the hell are you doing?" galit na galit na wika ni Trina.

Umikot ang mga mata ni Lucas at bumuntonghininga. Humarap siya kay Trina na may kalmadong hitsura.

"I'm doing what I know is right at sa pagkakataong ito, isa ka sa mga dapat kong itama," aniya.

Bahagyang tinaas ni Lucas ang kamay niya sa ere, saka pinitik ang daliri. Matapos niyang gawin ang bagay na ito, tatlong pulis ang nagmamadaling pumasok sa loob ng venue.

Tuluyang nasira ang magarbong party ni Mico dahil sa eksenang ginawa ni Lucas.

Sa pagdating ng mga pulis, agad nilang hinawakan si Trina sa magkabila nitong