Huling Hukbo (2)

Narinig ko ang mga kalas at malalakas na angil mula sa hukbo ni Viktor.  Katulad ko, matapos marinig ang salitang iyon sa hari ng mga bampira ay naghanda rin silang lahat sa anumang paparating.

May ilang sandali ring tumahimik ang buong paligid. Lahat ng mga naroon ay nagmatyag at nakinig sa maaaring paglusob na magaganap muli sa lugar na iyon. Lahat inaabangan ang panganib na paparating. Lahat ay walang takot na naghanda upang harapin anumang halimaw ang tinawag ng punong dilim.

Naging tiyempo ko ito upang salakayin ang aking ama. Kailangan kong itapat sa kanyang katawan ang batong Fuego at sabihin ang mga salitang mangkukulam na itinuro sa akin noon ng aking kaibigang mangkukulam. Ang mangkukulam ding iyon ang nagbigay sa akin ng mahalagang impormasyon tungkol sa batong Fuego na nalaman kong siyang tanging makakapatay sa aking