Ang Hari (3)

Gustuhin ko mang sumagot sa kanya ngunit hindi ko alam kung ano ang aking sasabihin. Masyadong nadala ako sa hindi inakala ngunit inaasahang kaganapang iyon.

Naririnig ko pa rin ang mga angil ng mga taong lobong na tila galit na galit na tumingin at humarap na handang lumusob sa kanya anumang oras.

Patuloy pa rin sa pagsasalita ang hari ng mga bampira na tila hindi natatakot na mag-isang humarap sa aming lahat sa mga sandaling iyon.

"Hindi ba kayo nasisiyahan sa tanawing ito?" ang kanyang pagbaluktot at nagagalak na sabi sa amin. "Ito ang pinakamagandang tanawin sa lahat. Ito ang tunay na kahulugan ng buhay! Ito ang pampamulat sa atin sa katotohanang si Kamatayan ang siyang tunay na hari sa lahat. At ito, ang digmaang ito ang kanyang napakamagandang likha,"dagdag pa niya sa amin. Sa unang pagkakataon ay sumagot ako sa kanya. "Baliw at halimaw lamang ang nakakapag isip ng ganoong bagay. Ngunit hindi kita maaaring masisi at husgahan sapagkat ikaw ay walang pinagka