Chapter 27

"Sino ang hindi makakapasok dito?" tanong ni Gerald sa babaeng mukhang manager sa airport. Nakakunot ang noo ng aking asawa habang nakatitig sa babae.

"Mi-Mr. Suarez.." yumuko pa ito ng bahagya, "ka-kanina pa po kayo dito?"

"Oo," malamig ang kanyang boses at tiningnan ng masama ang mga namumutlang Kano.

"Who is he?" tanong ng isang foreigner sa babaeng nakikipagtalo sa akin.

"He's the CEO of this airport, he is Mr. Suarez.." mahinang sagot ng babae.

Napatingin kay Gerald ang mga iyon. Kahit ako ay hindi ko inaasahang ang ganoong eksena. Hindi ko alam na ganoon pala sila kayaman. Napatingin ako kay mommy Amanda, at nakangiting nagkibit balikat lang siya sa akin.

"He is the one that we are going to meet?" nanlaki ang mata ng lalaking sinipat ko.

"Yes," sagot ng babae, "sir," hinarap nito si Gerald, "ako na po ang bahala sa sitwasyon. Paalisin ko na po ang babaeng ito sa lalong madaling panahon.."

"Miss.." sinipat ni Gerald ang kanyang nameplate, "Miss Montalbo.. maaari ka ng mag