Kabanata 18

Hug

"Dito na ako," sabi ko at nilingon siya.

Nakapamulsa siya habang nakatingin sa gate ng school. Tumango siya at lumapit ng husto sa akin kapagkuwan ay tumitig sa akin ng taimtim.

Pinasadahan niya ako ng tingin mula ulo hanggang paa.

"Your uniform is too short..." nakanguso niyang komento.

Tinaasan ko siya ng kilay at hindi napigilan ang matawa. "Ang haba na kaya nito, Kaleb."

Lalong humaba ang nguso niya at mabilis na hinapit ang baywang ko. Niyakap niya ako mula sa likuran kaya tumambol nang malakas ang dibdib ko.

Pumatong ang baba niya sa balikat ko at bahagya pa akong inamoy-amoy.

"Enjoy your first day, if you need anything don't hesitate to call me," bulong niya

Tumango lamang ako.

Humawak ang kamay ko sa kamay niyang nakayakap sa baywang ko.

"Ngayon ka na rin ba mag-uumpisa sa trabaho mo? Hindi tayo magkikita mamaya?"

He chuckled a bit as he pecked a soft kiss on the side of my cheek. "Why it seems like you don't want me to go? You don't want me to work there?"

Napalabi ako.