Ika apatnapu’t siyam na kabanata

Hindi ako nakahuma ng tila slow motion ang pagpasok ng isang matangkad na lalaki na may seryosong mukha at kagalang-galang tingnan sa suot nitong mamahalin na black, three piece suit. Habang napapaligiran ito ng kanyang mga bodyguard. Naagaw ng presensya nito ang atensyon ng lahat ng mga tao sa bulwagang ito at halos hindi magkandamayaw ang mga kababaihan sa pagtanaw sa lalaking kasalukuyang naglalakad patungo sa pinakasentro ng bulwagan, sa aking kinaroroonan.

Ang matapang na awra nito ay hindi naging balakid upang katakutan ito bagkus ay matinding paghanga ang tanging makikita sa mga mata ng lahat.

Para akong nabato balani sa aking kinatatayuan dahil sa isang malaking pasabog ngayong gabi. Hindi ko sukat akalain na ang lalaking naka-one-night stand ko, at the same time ay naging nobyo dahil sa isang one month agreement, na sinang-ayunan ko na kalaunan ay iniwan ko rin ng walang paalam pagkatapos kong nakawan. At ang kasunduan na pilit kong tinatakasan dahil sa mga anak ko ay isang