Kabanata 58

Agad din namang bumangon at tumayo si Alea. Hinarap niya ang babae na nakangising tumingin sa kanya. "Ikaw na naman? Hindi mo talaga ako tatantanan, ah! inis niyang wika at agad na naglaho. Sumulpot siya sa likuran nito at hinampas sa ulo gamit ang bakal na hawakan ng kanyang espada. Natumba ang babae at nawalan ng malay. Nakita niyang naglalaban pa rin si Yulan at Dargon kaya agad siyang naghanap ng pantali. Dinala niya ang babae sa lugar kung saan itinali ang kanyang Lola Freya. Nang makakita ng lubid ay agad niya itong kinuha at ginapos ang babae nang napakahigpit sa malaking bato.

Tinalikuran niya ang babae ngunit nagulat na lamang siya nang sa kaniyang pagharap ay nakita niya si Avaleighra na nakatayo at umiiyak. "Avaleighra, kayrami ng iyong sugat," nag-aalalang wika niya.

"Alea, tulungan mo ako," usal nito at agad na yumakap kay Alea.

"Huwag kang mag-alala, gagamutin kita," sagot naman ni Alea. Ramdam niya ang higpit ng pagkakayakap nito sa kanya.