Kabanata 61

Biglang huminto ang malakas na ulan at sumikat nang matindi ang araw. Naramdaman ng lahat ang init nito sa kanilang mga balat.

Lahat ng mga sumasalubong na mga dragon sa magkakapatid na higantes ay kanilang hinahampas. Bumagbagsak ang mga ito sa lupa at hindi na muli pang nakakabangon.

Nakita ni Alea na ngumisi lamang si Dargon.

"Kung inaakala niyo na matatalo niyo ako, nagkakamali kayo. Kahit na magsama-sama pa kayo, hinding-hindi niyo ako matatalo," mayabang na wika ni Dargon. Hinugot nito ang palasong nakabaon sa kanyang braso at binali gamit lamang ang mga kamay. Diritso niya itong itinapon pabalik sa papalapit na mga higantes. Tatamaan na sana nito si Axel mabuti na lamang at agad siyang hinablot ni Noah.

"Ahhh!" biglang sigaw ni Dargon. Nanigas ang katawan nito at mas lumaki. Parang may mga bato sa loob ng katawan nito. "Ahhh!" Biglang umapoy ang katawan nito habang nanlilisik ang mga matang tumingin kay Arde.

Napahinto naman si Arde