Kabanata 65

Niyakap nang mahigpit ni Alea ang batang kasama ni Avaleighra. "Boboy, kamusta ka na? Akala ko ay nakauwi ka na sa mundo ng mga tao."

"Hindi ako sumama sa kanila, Ate Alea dahil hinihintay kita."

"Masaya akong nagkita tayo ulit, Boboy."

"Ako rin, Ate Alea."

"Gusto mo na bang umuwi?"

"Gusto ko nang makita ulit ang pamilya ko po."

Humarap si Alea kay Avaleighra. "Maraming salamat sa pagsundo mo kay Boboy."

"Walang anuman, Alea."

Muling niyakap ni Alea ang kanyang lola at si Avaleighra nang mahigpit. "Paalam, kami ay babalik na sa aming mundo," wika ni Alea.

"Mag-iingat kayo, Alea," wika ni Avaleighra.

Aalis na sana sila nang pigilan sila ni Freya. "Sandali lamang."

"Bakit po, lola?" tanong ni Alea.

"Sa paglabas ng iyong kaibigan at ng batang iyan ay makakalimutan nila ang mundong ito. Lahat ng kanilang nasaksihan dito sa mundo ay mabubura sa kanilang isipan."

N