Showbiz

LEILA MERCEDEZ POINT OF VIEW

KAYA KO!

KAKAYANIN KO!

Nilakasan ko na lang ang loob ko na harapin ang pagsubok ng mag-isa. Kailangan kong magtagumpay para may mapatunayan ako sa sarili ko. Alam ko naman na kakayanin ko. Wala akong ibang pagpipilian kung hindi kayanin.

Naniniwala naman talaga ako sa sarili ko. Na may talento ako. Iyon nga lang, ang tagal din ng inabot bago may makapansin ng galing ko. At hindi na para problemahin ko pa yon. Ang importante ay napansin na din ako sa wakas. At excited na ako na ipakita sa buong mundo na may ibibuga ako at magtatagumpay ako sa larangan ng pag-arte.

At itong break na ito... Dito na magsisimula ang lahat! Gagalingan ko at hindi ko sisirain ang tiwala na ibinigay nila sa akin.

Gamit ang natitirang pera ko, iyon ang pinang-upa ko ng kwarto bilang tutuluyan ko pansamantala. Bumili din ako ng mga damit sa tyangge para maging presentable ako sa mga shooting, mall Tour, at sa araw ng pirmahan ng kontrata.

Walang paglagyan ang kasabikan ko nang makatanggap ako ng text mula kay Sir Luigi at sinasabing pag-uusapan na daw namin ang tungkol sa kontrata at script.

Dali-dali akong namili ng damit na susuotin ko para mamaya.

"Ito o ito kaya?" Halos lahat ay maganda para sa akin. Hindi ako makapamili. Ang text sa akin ng film producer namin ay script reading pa lang daw ang gagawin pero ang napili kong isuot ay pang contract signing na sa ganda.

Inabot din ako ng nasa dalawang oras sa pag-aayos ng aking sarili. Sobrang excited na talaga ako.

Ang ganda mo self!

Maaga ako ng isang oras dumating sa takda naming pagkikita. Like this is it! ito na talaga! Nakita ko na abala ang lahat sa preparasyon. Marami din akong namukhaan na malalaking pangalan sa showbiz na naririto rin na dati ay hindi naman ako pinapansin ngayon ay sila pa ang nauunang bumati sa akin.

Kagaya ngayon, isang MS. Chenelyn Estrada lang naman ang ngumiti at lumapit sa akin. Isang sikat na aktress dito sa Pilipinas kung saan ay kaibigan din ng film producer na kumontak sa akin. Everybody knows her but I was surprise because she called my name.

"Hey, ikaw ba si Leila?" Magiliw na paglapit niya sa akin. Sobrang ganda niya at para siyang manika sa malapitan. Napaka bango din niya, at ang kutis ay pinong-pino.

"Yes po!" sagot ko naman. I was starstucked.

"Oh, you're so pretty. Nice to meet you!" inilahad ng sikat na aktres ang kamay niya sa akin.

"Salamat po! Idolo ko po kayo," pagbabalik ko. I am nervous and overwhelmed. Pakiramdam ko tuloy ay napaka espesyal ko.

"Really? well thank you! We are all excited for you. Congratulations in advance. I see potential in you."

Ilang sandali pa ay bigla nang sumingit sa aming usapan ang film producer na si Luigi. Marahan niya akong hinila sa aking braso at kinausap. "Oh, hi!" pagbati niya muna kay Ms Chenelyn bago ako kausapin. "Mabuti at narito ka na pala, Leila. Hinahanap ka kasi ng Direktor. Gusto ka niyang makita ng malapitan. Galingan mo, ha! Huwag mong sayangin ang tiwala na ibinigay ko sa 'yo," bulong niya sa akin.

"Opo. Gagalingan ko po," sagot ko naman. Hindi ko pa naranasan ang ganitong klaseng pakikipag-usap niya sa akin. Ngayon lang. Dati kasi ay dinadaan-daanan lang ako dito.

Ilang sandali lang ay sumingit naman muli ang kausap kong sikat na aktres kanina sa usapan namin ni Sir Luigi. "Oo nga, Leila! Galingan mo. Hindi lahat maswerteng katulad mo. Galingan mo at ipakita mo sa lahat na deserve mo ang role. Nabuntis kasi ang totoong gaganap dapat ng lead role kaya ikaw ang napiling pumalit sa kaniya. Ipakita mo na tama ang pagpili sa 'yo ni sir Luigi mo."

Nagulat ako sa aking narinig. I mean, there is nothing wrong with what she said, sadyang iba lang ang naging dating sa akin. Ngayon ko lang ito nalaman na kaya lang pala napunta sa akin ang role na ito ay dahil akala ko ay para sa akin talaga. Hindi ko alam na naibigay na pala ito sa iba at sinapo ko lang pala. Bigla akong nakaramdam ng pagkapahiya sa aking sarili. Mukhang masyado atang mataas ang tingin ko sa sarili ko kaya ganun na lang ako nadismaya.

"g-ganun po ba? ibig sabihin sa iba talaga ang role na ito at maswerte lang na napunta sa akin?"

"Oo. ganu'n na nga." Sagot ng sikat na aktres.

"Bakit may problema ba doon?" tanong naman ng aming film producer.

"w-wala naman po," sagot ko na lang.

"Good! so, are you ready?"

"Yes po!"

____________________

Sinabi ko na lang sa sarili ko na kahit ano pa man ang dahilan kung bakit napasaakin ang role na ito ay maswerte pa rin ako dahil sa akin naibigay at hindi na para malungkot pa ako. Madaming starlet ang nangangarap na mabigyan ng bigbreak at hindi lahat nabibigyan ng chance.

Ako, eto, ipinakikilala na ng film producer sa Direktor at ilan pang mga kilalang tao sa industriya. Tunay ngang blessings ito dahil wala na talagang atrasan. Sa akin na talaga ito. Ako na talaga ang Female lead sa pelikulang ito.

Matapos akong ipakilala sa team ay nagsimula na rin ang Script reading. Kung dati ay sa harap ng salamin lang ako umaarte dahil ang tulad kong extra lang dati ay hindi naman binibigyan ng script ngayon ay napakahaba na ng aking nga Dialogue. Ipinakita ko sa kanilang lahat na may ibubuga ako pagdating sa pag-arte kaya naman nang matapos ay pinalakpakan ako ng lahat. Sunod naman na nagpakitang gilas ay ang leading man ko na si Xian Castro. Ang guwapong binatang artista na crush ng lahat. Isa rin akong fan niya before kaya naman excited na akong makatrabaho siya. Ang cute niya pag ngumingiti dahil ang lalim ng dimples niya.

Sobrang saya ko.

Hindi pa man din nagsisimula ang mga shootings ay marami na akong natanggap na invitation. Mga Social gatherings na kahit kailan ay hindi ko pa naaattendan. Ngayon, gusto na nila akong makasama.

"Leila, sumama ka bukas ha! Pupunta tayo sa stag mans party." wika ni Sir Luigi sa akin bago mag-uwian.

"po? Hindi po ba panlalaki lang 'yon?" Sagot ko naman. Nagtataka ako kung bakit gusto niya akong isama sa ganoong party gayong sa pagkakaalam ko ay party iyon na para sa groom.

"Oo, pero pwede rin magsama ng babae. Sasaglit lang tayo doon. Expossure na din yon para sa 'yo dahil malalaking businessman ang mga dadalo doon. Malay mo magustuhan ka nila at kunin ka nilang Endorser ng mga business nila."

"Hindi po ba nakakahiya?"

"No. That's showbiz. You need to endorse your self lalo na kapag hindi ka pa gaanong kilala."

"o-okay po. Sasama po ako."

________________________