KABANATA 10

Mas bumibigat na mga kasalanan, hindi na kayang pigilan, patuloy na mababaon sa mga lihim na pagnanasa ng isipan.

KABANATA 10

One year later: Mahigpit kong nahawakan ang pregnancy test kit. Ilang ulit akong paikot-ikot sa loob ng aming banyo. Ayoko muna sana itong mangyari sa akin, hindi pa ako handa, at hindi ko pa nagagawa ang mga dapat kong gawin. At ang isa sa mga tunay na dahilan, hindi ko naman talaga mahal si Delfin.

Ano na ngayon ang mangyayari nito sa akin? Makakaya ko bang ituloy ang batang ito na nasa sinapupunan ko? O maari rin namang magamit ko ito para maging matibay ang kapit ko sa kayamanan ng mga Guevara.

At ang kailangan ko lang naman ay dispatsahin si Carla. “Sweetie, ano na? Hindi ka pa ba lalabas diyan?” tanong ni Delfine habang excited na malaman ang resulta. Matagal na nitong nais na magbuntis ako, kaya lang ay iniinuman ko iyon ng pills ng lingid sa kaalaman niya. Ngunit nakalimot ako at nagmintis, kaya ito, natupad ang nais ng matandang iyon. Hindi ko nais na