Chapter 98

“Nanatili akong tahimik sa mga bisig ni Mr. Storm, hindi ko na sinubukan pa na magsalita dahil natatakot ako na baka umalis na naman ito ng hindi ko nakukuha ang nais ko mula sa kanya. Kasalukuyan siyang umaakyat ng hagdan habang nanatiling seryoso ang kanyang mukha kaya hindi ko mawari kung galit ba siya sa akin.

Sa totoo lang ay kanina pa ako kinakabahan dahil tinutumbok nito ang direksyon patungo sa kwarto ko.

Nang makarating sa ikalawang palapag ng mansion ay nahagip ng mga mata ko si Patricia. Nakatayo siya sa pintuan ng library habang ang mga mata nito ay matalim na nakatingin sa akin. Masasalamin mula sa kanyang mga mata ang matinding poot at pagkasuklam, hindi ko alam kung para ba sa akin o baka para kay Mr. Storm, since na maging siya ay bilanggo din ng lalaking ito, dito sa mansion. May posibilidad na ginagawa rin ni Mr. Storm kay Patricia ang ginagawa niya sa akin.

Bakit ganun, nang sumagi sa isip ko ang isiping iyon ay parang dinurog ang puso ko?

B-bakit naman ako m