Chapter 17

Tinatamad na bumangon ako mula sa higaan, pakiramdam ko ay parang ba-baliktad yata ang sikmura ko. Kahit masama ang pakiramdam ay pinilit ko pa ring kumilos, naligo na lang ako ng maligamgam na tubig upang bumuti ang aking pakiramdam. Pagkatapos maligo ay pinatuyô ko ang aking katawan gamit ang isang tuwalya at blower para mabilis na matuyo. Saka ko isinuot ang aking pekeng katawan.

Paglabas ko ng kwarto ay nagtataka ako ng wala ni isang katulong ang sumalubong sa akin. Wala rin akong nakitang tao sa paligid o kahit sa kusina man. “Ano bang nangyari dito? At tinalo pa ang haunted house na wala man lang kahit isang tao?” Naguguluhan kong tanong sa aking sarili. Maya-maya ay narinig ko ang ilang mga yabag patungo sa aking direksiyon kaya pumihit ako paharap sa aking likuran.

Ang seryosong mukha ng aking biyenan na babae ang sumalubong sa akin, habang sa likod nito ay dalawang katulong na hindi rin maganda ang tingin ng ipinupukol nila sa akin. Tahimik akong naghihintay sa kanilang pa