Chapter 004

 "Andrea, sweetheart. We were discussing the possibility of you working at Caleb's company once you graduated from college and after your wedding. Ano sa tingin mo, iha?" tanong ni Mrs. Lopez kay Andrea pagbalik ng mga ito sa dining room kung saan ay kumakain na sila.

At sa mga katagang iyon ni Mrs. Lopez ay muntik nang mabilaukan si Daphne. Her stepdaughter was as dumb as a rock. She never wanted to work. Ni hindi nga nito sineseryoso ang pag-aaral. Paano nasabi ng ginang na makakagraduate ito ng college?

"Eh balae, alam mo itong anak ko na ito ay nagsimula nang mag-invest sa iba't ibang kompanya, kaya naman kumikita na siya nang malaki. At saka sa palagay ko ay hindi siya magiging komportable na magtrabaho sa kumpanya ng magiging asawa niya, tama ba ako anak?" Pagtatanggol ni Antonio sa anak nito.

"Yes, dad...'' napapangiwing sagot ni Andrea dahil alam niyang walang katotohanan ang mga pinagsasabi nito. "Aalagaan ko na lamang si Caleb sa bahay."

Invest? Anong alam niya dun? Ang alam niya lamang ay gumastos. Bumili ng mga mamahaling bag at sapatos.

“Wow! I'm so impressed! At a very young age, she knows how to invest. You must be very proud of her." nakangiting sambit ni Mrs. Lopez habang pinapanuod ang anak na hinihila ang upuan para kay Andrea.

"Oo naman balae. Hindi lamang maganda ang anak ko. Matalino din siya kaya naman napakaswerte ko na ako ang naging ama niya, at napakaswerte din ng mapapangasawa niya.'' sagot ni Antonio na bumaling ng tingin sa asawa na tumango tango naman bilang pagsang-ayon dito kahit na labag ito sa kanyang kalooban.

Nakilala ni Daphne si Antonio sa pamamagitan ng isang kaibigan. Isa siyang biyudo at nakatira sa probinsiya kasama ang anak nito. Kapitbahay lamang nito ang kapatid na si Roberto at ng anak nitong si Natnat.

Mayroon siyang ibang lalakeng gusto pero may asawa ito. Kaya naman nabaling ang atensiyon niya kay Antonio at kinalimutan ang taong pinakamamahal niya.

Nagdate sila ng dalawang beses, at sa ikatlong beses ay ipinakilala nito ang anak na si Andrea. Noong una ay nag-aalinlangan siyang makipaglapit sa bata, ngunit sa kalaunan ay natanggap niya na rin ito bilang kanyang sariling anak at sobrang napamahal na din ito sa kanya.

Para naman kay Andrea, hindi rin madali sa una. Hindi niya kayang magkaroon ng pangalawang ina, pero dahil sa ipinakitang pagmamahal ni Daphne sa kanya, at pagbibigay ng lahat ng kapritso niya ay napamahal na din siya dito. Mas mahal niya na ito ngayon kaysa sa tunay niyang ina na pumanaw noong siya ay limang taong gulang lamang dahil sa pagsuwag dito ng isang kalabaw habang namimitas ng bunga ng mais sa bukid.

Natapos ang kanilang tanghalian nang walang malinaw na pag-uusap tungkol sa kasal dahil biglang tumawag ang personal assistant ni Caleb. Nagkaroon daw ng emergency meeting sa opisina dahil isa sa mga investors nila sa Singapore ay nagback out.

“I’ll just call Andrea to talk about our wedding. It was such a pleasure meeting you all. Dad, mom, I'm going...” Iyon ang mga huling salitang binitawan ni Caleb bago ito umalis sa bahay ng mga Mondragon.

"Daddy, ano nang gagawin ko ngayon?" naiiyak na tanong ni Andrea sa kanyang ama.

Pagkaalis kasi ni Caleb ay sumunod na rin ang mga magulang nito, at sinabing pag-uusapan na lamang ulit nila ang kasal kapag may desisyon na si Caleb.

Ilang minuto pa lamang ang nakakalipas ay nagtext ang binata kay Andrea. Ang laman ng mensahe nito ay: ‘I’ll notify you if I’m not busy. I want you to come to my penthouse so that we can talk about the preparation for the wedding. I also want to make sure that I’m your first. I want a virgin wife.’

"Daddy, pano na to. Hindi---" hindi na nito natapos ang anumang sasabihin sa ama dahil bigla na lamang lumipad ang palad nito at dumapo sa kanyang kaliwang pisngi. Sa lakas ng impact ay natumba ang dalaga sa sahig. "Daddy anong kasalanan ko?! Bakit mo ako sinampal?"

"Anthony, ano bang ginagawa mo sa anak mo!" agad namang awat ni Daphne sa asawa. "Bakit mo sinasaktan ang bata? Anong ginawa niya sa'yo?"

"Umalis ka sa harap ko! Huwag mong harangan yan kung ayaw mong ikaw ang masaktan!" pagbabanta nito sa asawa, at nang lumayo ito ay sinipa naman sa tiyan si Andrea na ikinapilipit nito sa sakit. Ang mga butas ng ilong ni Antonio ay lumaki-laki sa sobrang galit.

"Tama na, daddy!" sigaw ni Andrea na hawak ang tiyan habang namimilipit sa sakit. Nagtataka siya kung bakit siya sinasaktan ng ama na ngayon lamang nito ginawa. "Ano bang kasalanan ko? Bakit mo ako sinasaktan?"

"Dahil isa kang puta! Malandi kang babae ka!" galit na bulyaw nito sa anak. "Kung sino-sino na lamang kasi ang kinakalantari mo! Dahil diyan sa kalandian mo, mawawala ang oportunidad ng kompanya na bumangon muli! Nandito na ang pagkakataon Andeng! Malapit na sa kamay natin. Mawawala pa!"

"Eh hindi ko naman alam na gusto niya pala ng virgin na asawa!" ganting sagot ni Andrea sa ama. "Wala na siyang mahahanap na ganoong babae dad! Lahat nang kakilala kong babae hindi na virgin!"

"Tumigil ka!" Sinampal siya nitong muli na ikinasubsob niya sa sahig bago pagapang na lumapit sa ama at yumakap sa isang binti nito. "Huwag mo akong masagot-sagot ng ganyan kung ayaw mong ibalik kita sa probinsiya!"

"Daddy, I'm sorry." humahagulgol na pagmamakaawa nito. "Gagawin ko ang lahat. Hindi naman siguro niya malalaman na hindi na ako virgin. Please, dad. I want your trust in this. Gagawa ako ng plano. Pakakasalan niya pa rin ako, maniwala ka. Please, daddy. Please trust me..."

"Trust?" singhal ng ama sa kanya. "Matagal na akong walang tiwala sa'yo, Andrea. Tumayo ka diyan at ayusin mo ang sarili mo!" 

Dali-dali namang tinulungan ni Daphne ang stepdaughter at pinaupo ito sa sofa bago hinarap si Antonio. "Huwag ka nang magalit sa bata, Anthony. Alam mo namang ineenjoy lang niya ang kabataan niya." malambing na saad nito habang hinaplos-haplos ang dibdib ng asawa sa pagbabakasakaling lumamig ang ulo nito. "Huwag kang mag-alala. Mayroon akong naisip na plano para dito. Trust me on this, Anthony. I know we'll get through this...''

"At ano naman ang plano mong iyan?" tanong ni Anthony na ang mga mata ay puno ng kuryosidad.

Matalino ang kanyang asawa, kaya naman malaki ang tiwala niya dito at alam niyang mapagtatagumpayan nila ang problemang kanilang kinakaharap dahil dito.