SULAT

Kung ang dalawang tao na dating aso at pusa ay nagkapatawaran, maituturing na talagang maayos na ang lahat. Wala na si Lucy, nabawi na ni Estacie ang mga bagay na pag-aari ng kanyang ina. Si Juvilina naman ay itinapon na sa lugar kung saan kailangan niyang maging alipin ng ilang taon upang pag-bayaran ang kanyang kasalanan.

Bagamat ang lahat ay plano ng anak na si Lucy, hindi pa rin siya naka-ligtas sa parusa ng hari.

Isang bagay na lang ang hindi pa nabibigyan ng katarungan. Ang pag-patay ng Prinsipe sa dating Estacie. Iniisip ni Jessa kung paano niya ibubunyag ang lahat kapag naka-balik na sa Prekonville si Sinylve.

"Kanina ka pa tulala, Estacie. Anong iniisip mo?"

Napa-sulyap si Estacie sa pwesto ng Duke. Kasalukuyang kumakain silang dalawa. "Nabanggit ko na ba sa'yo kung paanong napunta ako sa poder ng mga Lecilion?" Tanong niya sa binata.

Ibinaba ng Duke ng tinidor na hawak. "Kinidnap ka grupo ng Scorpion sa utos ni Lucy." Sagot ng lalake.

Itinaas ni Estacie ang kopita ng