Extra Chapter 4 James POV (After Chapter 11)

MULA NANG magkita at magtama ang mga mata namin, hindi na naalis sa isip ko kung saan ko nga ba nakita ang mga mata na iyon. Isang buwan na ang nakalipas mula nang pumunta si Elle sa falls at makita ko ang mga lalaking iyon, pero ginugulo pa rin ng pagmumukhang iyon ang isip ko—lalo na iyong gagong ang lakas mang-asar.

Alam ko nakita ko na sila dati.

Kasalukuyan akong nakikipag-usap sa kapwa ko officers nang makatanggap ako ng text mula kay Elle. Sinabi niya na pauwi na siya. Agad akong nagpaalam sa mga kausap at akmang lalabas na ng school grounds nang hilahin ako ng adviser ng cluster namin.

Ang dami niyang sinasabi na hindi ko maintindihan dahil ang isip ko ay nasa kay Elle. Hindi nagtagal ay nag-text siya na babalik siya sa school dahil wala silang masakyan.

“Kahit kailan talaga, Jeinellyn!”

Simula nang malaman ni Dad ang nangyari kay Elle at mga kaibigan niya, sinabihan niya ako na huwag na huwag kong maali