Chapter 2—22 Years Ago

TAPOS NA ANG shift ni Miguel sa isang fastfood chain na pinagtatrabahuhan nang makita niya ang grupo ng mga kababaihan sa isang table, malapit lang sa counter. Nagtatawanan ang mga ito. Halos lahat sa grupo ay magaganda, pero ang pinakatumawag ng pansin niya ay ang isang dalaga.

Unang tingin ay makikita na lumaki sa luho ang dalaga. Mula sa signature bag sa ibabaw ng kandungan nito, hanggang sa suot na 24 karat na necklace at bracelet. Maging ang suot nitong crop top at skirt ay hindi makikita o mabibili sa gilid-gilid.

Ang pagpilig ng ulo, pagngiti, at pagkumpas ng kamay—bawat kilos nito ay pinong-pino, hindi gaanong mahinhin, hindi rin gaanong maldita o mataray. She was Miguel’s definition of goddess.

Sa unang pagkakataon sa labing-pitong taon niyang pamumuhay, ito ang unang beses na natulala siya sa isang babae. Hindi niya alam kung gaano katagal na ba siyang nakatingin sa dalaga. Natauhan na lang siya nang itulak siya ng katrabaho.

“