Chapter 8 Somebody, Please…

ISANG BUWAN ang nakalipas mula nang picnic na ginuhit lang ng barkada, panay ang message nila sa akin at hingi ng sorry. Hindi ko sila pinapansin. Bahala sila! Kung ayaw nila sa akin, ayaw ko na rin sa kanila. I’ll be fine on my own.

Abala ang lahat sa pag-decorate ng stage at hall sa Farmdol University. Induction ng mga newly elected School Officers mamayang gabi. I’m not an active student, pero mahilig sa party-party. At isa pa, tumutulong ako dahil isa sa mga magpapanata si James.

“Pupunta ka ba sa ball mamaya?” tanong niya.

Kung wala lang akong iniisip na stalker…

“Yeah, pero after ng program, uuwi lang ako. Mahirap na at baka nasa paligid lang ang lalaki.”

Pinagmasdan ko ang ginawa kong bulaklak na yari sa crepe paper. Ok naman, matatawag pa rin na art.

“Kinukulit ka pa rin ba?” nag-aalalang tanong niya, at binigay sa akin ang ginawa niyang pulang bulaklak.

“Hindi na. S