Chapter 38—What is going on?

HINDI SIYA pinapatulog ng mga sinabi ni Kyla sa kanya. Hindi niya rin maiwasan na pag-isipan ng masama ang kaibigan. Hindi rin kasi malabo na may tinatagong galit ang kaibigan sa kanya lalo pa’t kasal siya kay RC—ang lalaki na bumili ng kaluluwa, este ng pinaghirapan na kompanya ng pamilya nito.

Hindi niya rin maiwasang isipin na baka noon pa man ay hindi lang kay RC may galit si Kyla, kung ‘di pati na sa kanya. Ritchelle understand that it was pure partnership between Kyla’s family and RC, pero hindi iyon pinaniniwalaan ni Kyla. Ang alam nito ay binili ni RC ang kompanya at inagaw ang lahat sa pamilya nito.

Ni hindi niya nga rin alam kung sumang-ayon ito na patawarin na nito si RC.

Marahas siyang napabuga ng hangin saka umupo sa gilid ng kama. Hindi niya alam kung tatayo ba siya