Chapter 44—Forget the pain

ILANG ARAW SIYANG hindi pinansin ni RC. Kahit sa hapag kung saan madalas ay masaya silang nagkukuwentuhan na pamilya tungkol sa maghapon na ganap ay hindi siya nito kinakausap. Sa pagtulog naman ay nakatalikod ito sa kanya.

Nang humingi naman siya ng advice kina Maya at Ellyna ay wala ring maibigay ang dalawa. Ang mga asawa kasi nito ang nanunuyo kahit pa ang mga ito ang may ginawa. Puro naman kalokohan ang sinabi sa kanya ni Kyla. Kesyo hayaan niya lang na lumamig ang ulo, o kaya ay gapangin niya. Mayroon pa itong suggestion na puntahan ito sa opisina nito. In short, ang ending lang ng payo ni Kyla ay makipag-séx siya sa asawa.

Napabuntong hininga na lang siya. Kung susundin niya si Kyla, mas lalo lang magagalit sa kanya si RC. After all, kahit anong gawin nilang pagniniig, wala nang mabubuo na baby.