69–Kidnapped to be With you

Althea~

Sukat sa nangyari kahapon, iniwasan ko si Mikhael, di ko siya kinausap at dumretso ako sa kwarto para matulog. Kasalukuyan kong nililigpit ang mga gamit namin, nagmadali akong umuwi kanina para gawin ito. Nakalimutan ko tuloy sunduin si Raven. Napagdesisyonan kong umalis ng mansyon upang iwasan si Mikhael. Nangagalaiti pa rin ako sa galit sa kanya. Baka mataga ko siya nang di oras 'pag makita ko.

Hirap na hirap akong nanaog sa hagdan na tangan ang malaking maleta. Pawisan akong dumating sa labasan. Humuhugot ako nang malalim na hininga nang matanaw ang van na paparating. Ako'y namangha na parang tuta. Kapagkuwan ay bumaba ang pamilyar na babae. Elegante at mayabang na nakataas noo.

"What the hell are you doing here?" Bungad niya na tinatanggal ang shades.

Sinundot ako ng galit kay Aurelia. Nawala ito ng tatlong linggo para hanapin ang sarili at babalik para guluhin ako. Mataray akong kumibit-balikat. "Nakalimutan niyo pong bahay ko na ito."

"Pati ang bahay ko ay inaangkin mo n