22—I'm your son

Mikhael~

Nagmamaneho ako pauwi. Naiirita ako sa sitwasyon ni Phoenix habang iniisip ko siya dumagdag pa ang traffic. Mga bente minuta na siguro ang nakakalipas nang bumara ako sa daan. Sinulyapan ko ang phone kung may mga notification o text messages ni James. May iilan pero hindi naman importante. Tinapik-tapik ko ang dalawang daliri sa manubela. Ilang sandali, umusad ang mga sasakyan. Binilisan ko ang pinatakbo ang lamborghini ko para maiwasan ulit ang traffic.

Kumunot ang noo ko nang mahuli ako ng pulang signal light. Kinagat ko ang labi na pinagmamasdan ang tumatawid. Nawala ng bahagya sa sarili nang maalala ang huling konprontasyon namin ni Althea. Natatakam ako sa kanya. Binitin niya ako kaya humanda siya bukas... paparusahan ko siya ng matindi.

Naging bato ako nang sumagi sa paningin ko ang kanina'y nasa imahinasyon ko. Si Althea ay malapad ang ngiti na tumatawid na hawak-hawak sa kamay ang isang batang lalaki. Ang makulit na bata na nakikilala ko sa airport at nakita ulit sa