Eros & Dianne 58

Dianne's POV

NILILINIS ni Eros ang katawan kong napuno ng putikan sa ilalim ng malakas na ulan. Kanina pa nito hinihilog ang buong katawan ko gamit ng kaniyang mga kamay.

Nang matapos ay tumayo siya sa harap ko at hinagkan ako sa mga labi. "Dianne."

"Dito na tayo magtatapos."

Natigilan siya sa sinabi ko. Sinalubong ko ang mga mata niyang puno ng pagkalito.

"No."

Inarkuhan ko siya ng isang kilay. "No?"

"Hinding-hindi ako papayag na matapos tayo. This is only the beginning."

"Beginning?" Bigla akong natawa. "Bakit? Kahit na alam mong ikakasal na ako, nakahanda ka pa ring ituloy ito?"

"Oo."

Tumingkayad ako hanggang sa ilang dangkal na lang ang layo ng mukha namin sa isa't isa.

"Wala ka talagang takot sa langit. Hindi mo ba naisip na puwede tayong parusahan sa ginagawa natin?"

"Malunod na ako sa kumukulong kumunoy ng kasalanan, pero hinding-hindi kita bibitiwan, Dianne."

Mariin akong lumunok sa mga narinig. Wala akong nakikitang halong pagbibiro sa mga mata niya. Gusto ko tuloy na muling