Chapter 48

YAKAP ko ang sarili ko habang nakaupo sa labas ng kuwarto ni Dianne. Kanina pa kausap ni Wena si Ros, ipinapaliwanag nito ang mga nalaman mula sa pulis na nakausap nila.

"Kaunti lang ang nainom na lason ni Thalia. Ibinigay niya agad ang juice sa kapatid niyang si Dianne kaya ito ang napuruhan."

"Sino naman ang gagawa ng ganitong bagay sa mga bata? Nakakaloka! Mga wala na ba talaga silang takot sa Diyos? These two are just kids!"

"May hinala na kami kung sino ang may gawa nito." Napatingin ako kay Ros sa sinabi niya.

"Sino? Sino ang gustong lumason sa mga bata?" Natigilan si Wena nang bigyan siya ng kakaibang tingin ni Ros. "No way! Don't tell me, it's that bitch again? Walang hiya talaga ang ahas na iyon!"

"Ano na ngayon ang kalagayan ni Dianne?" kabado akong lumapit kay Zian nang dumating ito.

"She needs to survive for tonight. Kapag hindi siya nagising ngayong gabi, maliit ang tyansa niyang mabuhay. Masyadong malakas ang lason na nainom niya."

Mariin akong pumikit. Dahil sa kabaliwa