Chapter 2

Nakatulog ako sa pag iisip kung paano ko pakikitunguhan ng maayos si Sebastian lalo na kapag nasa iisang bubong kami nakatira. Araw araw na kaming magkikita dito. 

Haist! paano na iyan baka hindi ko kayanin ang pang iinis niya sa akin bahala na nandiyan naman si lolo at lola.

May kumatok sa pintuan, tumayo ako agad upang pagbuksan kung sino ang kumakatok. Bumungad sa akin si Sebastian pagkabukas ko ng pintuan.

Kunot noong nakatingin sa akin at nakapameywang pa ito sa harap ko. "Hindi ka prinsesa dito para magkulong ka lang dito sa loob ng silid. Oras na ng hapunan patulog tulog ka lang diyan," naiinis na sabi niya.

"Sorry po napagod lang po ako sa pangangabayo kanina. Pinagpahinga muna ako ni lola kaya nakatulog ako," nakayukong sabi ko.

"Sumunod ka na sa baba, kakain na tayo." Galit niyang sabi.

Pababa na ko ng hagdan, nadatnan ko na ang mga ito sa hapag-kainan. Tahimik akong nagtungo roon.

"Sa tabi ka na lang ni Sebastian tumabi Marina," sabi ni lola.

Hindi ko alam kung uupo ba ako o hindi sa tabi niya, bahala na nga.

Tahimik lamang kaming kumakain at si lola ang bumasag ng katahimikan.

"Marina apo, saan mo balak mag aral pagkatapos ng bakasyon?" Napatingin ako kay Sebastian imbes na kay lola. 

"Gusto ko po sana sa pinapasukan ni kuya Antony po lola," mahinahon kong sagot.

"Ayaw mo ba sa Sebastian college para masubaybayan ka ni Sebastian doon?"

"Sige po lola pag iisipan ko pa po," agad na sagot ko.

Kung doon ako mag aaral mahirap ng iwasan si Sebastian lalo na at sila ang may ari ng eskwelahan. Araw araw kaming magkikita dito sa bahay araw araw din kaming magkikita sa school.

"Ahm lola ako na po magliligpit ng pinagkainan natin," pagprepresinta ko.

"Huwag na Marina sila Ana na ang bahala dito. Sige na umakyat ka na sa itaas para makapag pahinga ka na para bukas."

"Sige po lola aakyat na po ako sa itaas," sabi ko na hindi nililingon si Sebastian.

Naninibago ako sa sitwasyon ko ngayon, hindi ako sanay na walang ginagawa. Nasanay akong palaging may ginagawa sa bahay.

Lumabas muna ako ng mansion para maglakad lakad total maaga pa naman. 

"Oh akala ko nagpapahinga ka na sa kuwarto mo." sabi ni lolo nang makasalubong ko ito.

"Hindi pa po kasi ako inaantok lolo, maaga pa naman po. Gusto ko lamang po lumabas maglalakad lakad lang po sana at magpapahangin."

"Oh sige pumasok ka na lang mamaya ha."

"Opo lolo."

Lumabas na ko ng mansion at naglakad lakad. Tinungo ko ang kuwadra total maliwanag naman ang palgid. Hinanap ko ang kabayo ko at may isang tao akong naaaninag si Sebastian, naka hubad ito na pang itaas. Napatingin ako sa kaniya. Nakakatakot ang kaniyang mga matang nakatitig sa akin. Hindi ako makaalis sa kinatatayuan ko, parang namamagnet ako sa kaniyang mga mata. Napakarami na talagang nagbago sa kaniya lalo na ang kaniyang katawan mas lalo itong lumaki.

"Anong ginagawa mo dito sinusundan mo ba ako?" galit nitong sabi.

"H-Hindi po," pautal utal kong sagot sa kaniya dahil sa takot ko. "Aalis na po ako." Tumalikod na ko ngunit marahan niyang hinawakan ang aking braso.

"Ang galing mong mag bait baitan kina lolo at lola. Anong pinakain mo sa kanila at naging mabait sila sayo? Kahit kailan hindi ka bagay na tumira sa mansion namin at hindi ka rin nababagay sa eskwelahang papasukan mo. Baduy ka pa rin hanggang ngayon. Tandaan mo yan."

Hinila ko ang braso ko sa sobrang higpit ng pagkakahawak niya at namula iyon. Hindi ako nagsalita bagkus ay tumakbo lang ako papalayo sa kaniya. Dali dali akong umakyat sa itaas at doon sa kuwarto ko binuhos ang masagana kong luha.

Nag uumpisa na siyang magalit sa akin, kung gaano siya kagalit noon mas lalo na ngayon na galit na siya sa akin. May sosobra pa ba itong galit niya sa akin. Wala naman akong ginawa para magalit siya sa akin. Kung iniisip niyang ginagamit ko lang ang kabaitan nila hindi ko balak na gawin iyon dahil malinis ang intensiyon ko sa kanila dahil gusto ko lang sumaya ang lolo at lola niya.

Humiga na ko sa aking kama na hindi man lang ako nakapaglinis ng aking katawan at hindi na din ako nakapagpalit ng damit dahil nasa isip ko pa din ang mga masasakit na sinabi niya sa akin kanina.

............

Kinabukasan, pag gising ko inayos ko na ang aking sarili. Dati sa bahay nasa labas ang banyo ngayon may sarili na akong banyo dito sa loob ng kuwarto hindi na ako lalabas ng bahay. Marami na din akong mga damit sa closet na puro branded kahit pambahay lang ay halos mamahalin ang mga ito. Pinili kong suotin ang maikling short na ngayon lang ako magsusuot sa tanang buhay ko at isang large size na tshirt na kulay puti. Ayaw ko magsuot ng sleeveless dahil hindi talaga ako sanay magsuot ng mga ganito lalo na at mataba ako. Tinignan ko ang aking sarili at inayos ko ang malaking salamin sa aking mata.

Lumabas na ko ng kuwarto at bumaba na upang mag umagahan. Nasalubong ko si at Ana at bumulong siya sa akin.

"Nandiyan iyong gf ni sir Sebastian," bulong niya. 

"Bakit po ate Ana, aawayin niya po ba ako kapag nakita niya ko? Hayaan mo na lang po sila ate basta ako mananahimik na lang."

"Sa labas na daw kayo mag umagahan sabi ni Donya Fermina. Nandun sila kanina ka pa inaantay" saka tumingin sa akin si ate Ana mula paa hanggang pataas. "Ganyan sana ang mga sinusuot mo hindi iyong puro ka na lang nakapalda," puna nito.

"Hindi nga po ako sanay sa mga ganitong suot eh."

"Hay naku Marina, kailangan mo ng masanay sa mga ganiyang suot lalo nat dalaga ka na. Mukha ka kasing manang kapag lagi kang nakapalda na mahaba tapos ang luwang pa ng tshirt mo tapos ang taba mo pa."

"Grabe ka naman sa akin ate. Sino po ang nandun ate Ana?"

"Siyempre sila Sebastian at iyong gf niya ang nandun."

"Naku patay ate Ana!"

"Anong patay ang sinasabi mo Marina?"

"Pakisabi pong masakit ang paa ko," pagdadahilan ko.

"Hah! hindi nga!" takang tanong niya.

"Basta sabihin mo na lang po iyon. Kapag hinanap po ako nila lolo at lola sabihin mo pong na kina kuya Antony ako."

"Ano? ikaw talagang bata ka alam ko na namang iniiwasan mo si Sebastian eh para hindi ka niya sungitan. Sige na pumunta ka na doon at ako ng bahalang magsabi kina lolo at lola mo."

"Salamat ate Ana!" paalam ko.

Sa likod ng bahay ako dumaan para hindi nila ako makita. 

Pupunta ako kina kuya Antony para doon na lang ako mag umagahan. Nakita ko si mang Tonyo ang tatay ni kuya Antony nang marating ko na ang bahay nila.

"Magandang umaga po mang Tonyo, si kuya Antony po?"

"Ikaw pala iyan Marina, magandang umaga din sayo. Nasa kuwadra si Antony bakit mo siya hinahanap?"

"Ah wala naman po, puntahan ko na lang po siya doon." Nagpaalam na lamg ako at puntahan na lang si kuya Anthony sa kuwadra.

Namataan kong pinapakain niya ang mga kabayo sa kuwadra. Naka half nake lang siya. Napalunok ako ng laway dahil ang kisig niya. Alagang alaga niya ang katawan niya dahil sa batak na batak sa padtatrabaho dito sa hacienda at lumaki na din ang mga muscle niya sa katawan. May abs din siya kagaya ng kay Sebastian. Nakita niya akong papalapit kaya tumigil siya sa kan'yang ginagawa.

"Oh Marina, anong ginagawa mo dito?"

Hindi ako makatingin sa kaniya ng diretso dahil naiilang akong tignan siya. 

"Ahm ano kasi, gusto ko sanang mangabayo, gusto kong matuto," yukong sabi ko.

"Eh saan ba ang kausap mo, andito ako sa harapan mo sa ibang direksyon ka naman nakatingin." 

"Ano kasi? Mag damit ka na nga kuya." hiyang sabi ko. Tinawanan niya lang ako. 

Cute talaga ng dimple nito pag nakatawa pero mas guwapo si Sebastian kaso ang sungit. Haist! bakit siya na naman ang iniisip ko.

"Hoy Marina, tulala ka na diyan baka iba na yang iniisip mo sa akin ha."

Sinamaan ko ng tingin. "Ano? kapal mo naman kuya. Bakit ikaw ba ang iniisip ko."

"Siyempre ako lang naman ang kaharap mo at bakit nag iba na naman ang taste mo sa pagsusuot mo ng damit. Lumelevel up ka na ha. Siguro may pinapagandahan ka noh!" biro nito.

"Tse! tumigil ka nga kuya. Magtatampo kasi si lola kapag hindi ko sinuot yung mga damit na binigay niya. Parang eto lang, level up na agad. Baka maglaway ka kapag nagsuot ako ng sexy dress."

"Nangarap ka na naman ng gising Marina. Saglit lang ha kukunin ko lang yung damit ko doon," sabay talikod nito.

Dinig kong may paparating. Lumingon ako at nakita ko si Sebastian na kasama niya ang gf niya. Saktong pagdating naman ni kuya Antony na hindi pa din nakakapagdamit kaya nanlaki ang mga mata ko. Baka iba na naman ang isipin nilang dalawa dahil nandito ako. Bakit ko naman iisipin yun eh wala naman siyang pakialam sa akin at saka wala naman kaming ginagawa ni kuya Antony. 

Tumingin lang yung dalawa sa akin pero iba ang tingin ni Sebastian sa akin kaya hinila ko na lang si kuya Antony palabas ng kuwadra. 

"Ano ba nangyayari sayo Marina at nagmamadali kang lumabas?"

"Bakit hindi ka pa nagdadamit kasi" 

"Nadumihan yung damit ko kaya hindi ko sinuot."

"Ang tagal mo, nagugutom na kaya ako," reklamo ko.

"Bakit hindi ka pa ba nag uumagahan?" Tumango ako.

Nag-aya na lang siya na sa tabing ilog na lang kami mag uumagahan. Pumayag naman ako dahil gusto kong makita ang ilog na sinasabi niya

Patungo kami ngayon sa kuwadra para kunin ang kabayo. Ginamit namin ang kabayong niregalo sa akin ni lolo't lola. Nauna ng sumakay si kuya Antony at pinahawak muna sa akin ang hawak niyang basket na may mga lamang pagkain. Nang makasakay na siya sa kabayo pinahawak ko naman ang basket sa kaniya para makasakay na din ako sa kabayo. 

Ako na ang naghawak ng basket dahil siya ang nasa unahan. Humawak ako sa beywang niya habang ang isa kong kamay ay hawak hawak ko ang basket.

"Humawak ka ng mabuti babs," utos nito.

"Huwag mo nga akong tawaging babs kuya. Hindi naman kasi ako baboy eh. Chubby lang!" tumawa lang si kuya ng malakas kaya binatukan ko siya.