Chapter 1

"LOOK AT THE MESS YOU'VE CAUSED!" Napapitlag ang Mommy at kapatid ni Kade na kumakain nang ibalibag ng ama niya ang newspaper sa harapan nila. Siya naman ay parang walang narinig at tinuloy lang ang pagkain.

"Wag kang magbingi-bingihan at gawan mo 'to ng solusyon ngayon din!" Anang ama at ihinampas sa dibdib niya ang dyaryo pagkatapos naupo ito sa dulong bahagi ng mesa kaharap ang Mommy niya. Umismid siya at agad itong binuklat.

Unang tumambad sa kanya ang picture nila sa party kagabi at nasa katabi naman nito ang picture niya kasama ang isang babae habang naghahalikan sila. Umiling siya. Kuha yata ito kagabi rin sa bar ni Adrian. Those press were really desperate.

Binasa niya ang nakalagay dito.

'AN ENGAGEMENT PARTY THAT TURNS INTO A MESS'

'Yan ang title nito. Binasa niya ang unang bahaging nilalaman ng ulat.

'Kade Von Aragon, a well-known businessman and the son of Leandro Aragon of the Aragon Airline, cancelled his engagement with Katrina Vidal, a model and daughter of Rolando Vidal of RVV Hotels, and found kissing a random girl at the bar.'

Hindi na niya tinuloy ang pagbabasa at tiniklop na ang dyaryo saka tinignan ang amang galit na galit.

"It's been months since the last time I saw your name on the headlines. Aren't you happy dad?" Aniya habang nakangiti ng nakakainsulto sa ama, na nagtatagis na ang bagang sa galit.

"You!" Agad na tumayo ang ama niya at akmang susugurin siya nang umawat ang Mommy niya. "Leandro!" Agad namang naupo ang ama niya kaya napangisi siya.

"I wouldn't do anything to solve this mess. I don't even care what they write about me. But I bet you do. So why not solve it again?" Lihim siyang napangiti nang makita niyang kumuyom ang kamao ng ama. "Di ba diyan ka naman magaling? Ang pagtakpan ang pangalan mo sa kahihiyan?" Hindi siya natinag nang biglang tumayo ang ama at lumapit sa kanya para kwelyuhan siya.

"Leandro!" Sigaw ng Mommy niya pero hindi ito pinakinggan ng ama.

"Don't you dare say those words to me. I'm still your father, so I suggest you give some respect." Mariing sabi nito habang nag-aapoy ang mga mata sa galit.

"Wow really?! Coming from the man who didn't respect this family at all. Can I clap my hands now?" Sarcastic niyang sagot habang nakangisi.

Mas lalo namang nagalit ang ama niya at agad siyang sinuntok.

Napasinghap ang Mommy niya sa gulat at agad siyang dinamayan. "Oh my God! Are you okay son?" Nag-aalalang tanong nito. Hindi siya sumagot kaya tinignan nito ng masama ang ama niya. "Why did you do that?!" Galit na tanong nito.

"Go ahead. Kampihan mo 'yang anak mong tarantado at walang-modo. Kaya lumaking ganyan 'yan dahil sa pagiging kunsintidor mo!" Anang ama at galit na galit na umalis.

Pinunasan niya ang gilid ng labing dumugo dahil sa suntok ng ama saka tumayo. "Are you okay?" Hinawakan ng Mommy niya ang mukha. "Wait I'll call Gina to get me the first aid kit." Pinigilan niya ang kamay ng ina nang akmang aalis na ito para tawagin ang kasambahay.

"I'm okay Mom. Malayo 'to sa bituka." Ngumiti siya rito. "Sundan mo na lang si Dad at baka magtampo pa 'yon sa'yo kapag hindi mo sinuyo agad. Sige ka, baka pati yakap at halik mo hindi na uubra sa kanya." Kinindatan pa niya ang ina na agad namang natawa.

"Napakakulit mo talagang bata ka." Anito at pinanggigilan pa ang ilong niya na agad naman niyang ikinais.

"Mom! I'm not a kid anymore!" Reklamo niya habang sapo ang ilong na namumula.

Natawa naman ang Mommy niya. "Yes you are to me. In fact, you're still my baby boy." Anito at hinalikan pa siya sa pisngi bago umalis.

"Tsk!" Napapailing na naupo siyang muli sa upuan niya kanina at tinignan ang kapatid na si Glaizel habang busy pa rin sa pagkain na parang walang nangyari.

"You didn't even save me." Aniya kaya napaangat ito ng tingin sa kanya. Masyado itong tutok sa pagkain na hindi niya mawari kung masarap ba ang kinakain nito o bored lang at walang mapagdiskitahan kaya sa mga pagkain na lang binunton.

Tumaas ang kilay nito. "What can I do to save you? Ako ang sasalag sa suntok ni Dad? Duh! Hindi ako pabida kaya 'wag kang feeling." Natawa siya sa sagot ng kapatid. "And besides, you deserved it anyway."

Kumunot ang noo niya sa narinig. "So you're on his side now?"

"No." Agad nitong sagot. "But you deserved it for kissing that girl."

"How did you know that I kissed a girl? Did you read the newspaper too?" Takhang tanong niya rito.

Napaikot ito ng mga mata. "Do I look like I read that thing?"

Umismid siya. "That's why I'm asking."

Inirapan naman siya ng kapatid. "Your face is all over the internet. How can I not know?"

Ngumisi siya. "Now I feel famous."

Agad namang nalukot ang mukha ng kapatid. "Yeah! You really are famous now kuya. Congratulations for kissing the queen of sluts. I'm so proud of you!" Sarcastic na sagot nito habang pumapalakpak.

"Is she?" Tanong niya. To be honest, he doesn't even know the name of that girl. Basta na lang siya nitong nilapitan at hinalikan. Sino ba naman siya para umayaw sa grasyang kusang lumapit sa kanya? Lalo pa't iyon ang kailangan niya sa mga sandaling 'yon.

"Yes she is. She had been seen with different guys almost every night. She even stole boyfriends."

"Well, I don't blame those guys, she's a great kisser and I bet she's wild in bed too." Kinindatan niya ang kapatid na hindi na maipinta ang mukha at halata ang pagkadisgusto dito.

"You're so gross! Pumatol ka sa cheap na babae." Agad itong huminto at nagkunwaring nag-iisip. "But on the second thought, cheap ka rin naman pala kaya bagay lang kayo."

Natawa siya sa sinabi ng kapatid. "Why do you hate her so much?" Hindi niya maisip kung bakit gano'n na lang ang inis nito do'n sa babae. He's sure na hindi naman ito inagawan ng boyfriend no'ng babae because as far as he can remember wala pa naman itong naging kasintahan or 'yong lang ang alam niya.

"Don't tell me, she stole your boyfriend too?" Kunot-noong tanong niya sa kapatid na agad namang umasim ang mukha.

"Ako nagkaboyfriend?" Tinuro niya ang sarili at natawa. "Ano? Adik lang kuya?" Nakahinga siya ng maluwag sa naging sagot nito. Ayaw pa niyang magkaboyfriend ang kapatid. Masyado pa itong bata. She's just seventeen for fuck sake.

"Then if that's not the case, why do you hate her so much?"

"I hate her because even Zeke Ramirez fall in her trap." Naiinis na sagot nito.

Tinignan niya ito at nginitian ng nakakaloko. "Oh? Zeke Ramirez?" Mas lalong lumawak ang ngisi niya. "Isn't he your ultimate crush?"

Mas lalong sumama ang timpla ng mukha nito. "Correction kuya, he's not my ultimate crush, just crush. But that was before. No'ng hindi pa siya nadungisan ni Beatrix Williams."

"Really? So anong tawag do'n sa mga pictures niyang nagkalat sa kwarto mo?" Pang-iinis niya rito na halatang umepekto dahil tumayo ito at kumuha ng mansanas na nasa harapan saka binato sa kanya na agad naman niyang nasalo habang tumatawa.

"Arrghhh!!" Naiinis na naglakad ito paalis. "Magsama kayong parehong cheap ng Beatrix Williams na 'yon!" Sigaw nito at tuluyan ng umalis habang siya naman ay naiwang tawang-tawa sa itsura ng kapatid.

"MGA BOBO!" Napayuko sila Rizel habang kaharap nila ang Editor in Chief ng publishing company kung saan siya nagtatrabaho.

"Anong katangahan ang ginawa niyo at hindi niyo nagawa ng maayos ang trabaho niyo ha?!" Bulyaw nito at binagsak ang newspaper sa harapan nila. "Nakikita niyo ba 'to?!" Sigaw muli nito. "Nangunguna na ngayon ang E'scoop dahil sa report nilang ito na hindi niyo nagawa dahil sa katangahan!"

E'scoop is their biggest rival on this field kaya galit na galit sa kanila ang Editor in chief dahil nakuha ng mga ito ang isa sa pinakapinag-uusapang balita ngayon.

"We need a counterattack for this. Hindi pwedeng sila lang ang sikat." Palihim siyang napaismid sa narinig. Bakit ba lahat na lang ng bagay para rito ay isang kumpetensya?

"That's why I'm sending you Ms. Rodriguez to monitor Mr. Kade Von Aragon." Agad siyang napatingin rito nang marinig niya ang pangalan.

"A..ako?" Nagtatakang tanong niya at tinuro pa ang sarili para makasiguro na hindi lang siya nabibingi.

Kumunot ang noo ng Editor in Chief. "Yes. May iba pa bang Ms. Rodriguez dito?" Nakataas ang kilay na tanong nito. Agad naman siyang umiling. "Then it's you."

"P..pero bakit ako Ma'am?" Kinakabahan siya. Alam niya kung ano ang kayang gawin ng pamilyang 'yon sa kanya kapag nalaman ng mga itong nagi-spy siya para makakuha ng impormasyon. Rinig niyang may binayaran na rin si Mr. Leandro Aragon na isang publishing company para burahin ang news tungkol rito at gumawa ng panibagong kwento para mabura ang naunang pahayag at malinis ang pangalan nito. No'ng hindi daw pumayag ang writer ng news na 'yon ay pinagbantaan nitong mawawalan ito ng trabaho at maghihirap habang-buhay. Walang naglakas-loob na ilabas ang balitang ito dahil natatakot ang lahat sa pwedeng mangyari. Kaya nga nagtataka siya kung bakit gustong ifeature ng Editor in Chief nila ang pamilyang 'yon. Hindi ba ito natatakot? O pera lang ang habol nito? Dahil paniguradong kapag nangyari 'yon magbabayad na naman si Mr. Aragon ng malaking halaga para sa pangalan ng pamilya nito. Kaya walang pagdududa, 'yong huling nasa isip niya ang plano nito.

"Why? You don't like to do it? Sabihin mo lang, I can fire you anytime." Anito at nagmartsa na paalis.

Umismid siya. Porke't malakas ito sa CEO akala mo na kung sinong boss kung makapagsalita.

"Okay ka lang?" Agad na lumapit sa kanya ang mga kasama sa trabaho nang maupo siya sa desk niya.

Ngumiti lang naman siya at tumango. "Oo okay lang ako."

"Alam mo, ang sarap talagang sabunutan ng babaeng 'yon. Akala mo kung sinong magaling at maganda eh puro utos lang naman ang alam. Ba't di na lang kaya siya ang mag-spy kay Kade Aragon at nang makita natin kung hanggang saan ang galing niya. Kung makabobo wagas! Parang hindi rin tanga eh!" Nagtawanan sila sa sinabing iyon ni Melody.

"Oo nga! Napakafeeling talaga. Hindi naman kagandahan. Mukhang bruha." Gatong naman ni Cykie. Muli silang nagtawanan.

"At eto pa..." Magsasalita pa lang sana si Rubi nang may biglang nagsalita na nagpatahimik sa kanila. "What's the commotion all about?" Nakataas kilay na tanong ng Editor in Chief na hindi nila namalayang dumating.

Agad namang nagkanya-kanyang balik ang mga kasamahan niya sa desk ng mga ito.

Lumapit sa kanya ang Editor in Chief nila na si Janice Gaspangin. Pangalan pa lang ang gaspang na pakinggan. Walang duda, kaya magaspang din ang pagmumukha.

"I'm giving you two months to have a good report regarding on Mr. Kade Von Aragon. And if you can't submit it within that time, better submit your resignation instead." Pagkatapos nitong sabihin ang 'yon sa kanya ay basta na lang itong umalis sa harapan niya at taas noong naglakad patungo sa opisina nito.

Kinuha niya ang folder na nasa lamesa at nangangalaiting gustong ibato ito kay Ms. Gaspangin pero pinigilan niya ang sarili.

Tinignan niya ang mga kasamahan at nasa gano'ng posisyon din pala ang mga ito. Lahat ay nakahawak ng folder at nakataas sa ere ang mga kamay. Pare-pareho talaga sila ng iniisip pagdating kay Ms. Gaspangin.

Nang tuluyan na itong makapasok ay saka lang nila ibinaba ang mga hawak na folders.

Kinuha niya ang cellphone sa bag at tinawagan ang kaibigan niyang paniguradong makakatulong sa kanya.

Nakadalawang ring lang siya nang sagutin nito ang tawag.

"Anong maipaglilingkod ko sa'yong bruha ka?" Tanong ng nasa kabilang linya.

Napaikot siya ng mga mata. "Wala man lang hello?"

"Masyado akong busy para maghello. Maraming papeles na pinapaayos si boss kaya kung ako sa'yo, sabihin mo na ang gusto mong sabihin dahil limitado lang na oras ang maibibigay sa'yo ng maganda mong kaibigan."

"Eh kung hindi ka sana dumada, kanina pa natapos ang sasabihin kong bruha ka."

Narinig niya ang pagtawa nito. "Sorry naman. So ano nga palang kailangan mo?"

"Alam mo ba kung may lakad ngayon ang boss mo at mga kaibigan niya?" Tanong niya rito.

"Kung ngayon, wala siguro kasi sobrang busy ni boss. Bukas sure ako na nasa bar sila ni Adrian kasi every Thursday night sila nag-iinuman do'n. Pero depende na lang kung tumawag ang mga kaibigan niya ngayon baka icancel na naman nito ang mga meetings niya. Pero maganda na rin 'yon para maaga akong makauwi hahaha." Parang baliw itong natatawa sa mga pinagsasabi. Pero no'ng may naalala yata ay agad itong tumahimik at nagtanong. "Teka nga muna, bakit mo pala tinatanong?" Halata sa boses na naguguluhan ito. Sino bang hindi eh bigla-bigla na lang siyang magtatanong ng tungkol sa mga magkakaibigan na never naman nilang napag-usapan.

Huminga muna siya ng malalim bago sumagot. "Ikukuwento ko na lang sa'yo kapag nagkita na tayo." Hindi siya makakapagkuwento ng maayos kapag sa cellphone lang, mas maganda kung sa personal mismo.

Narinig niya ang mahinang pagsinghap ng kaibigan sa kabilang linya. "OMG! don't tell me obsess ka sa isa sa kanila at plano mong iistalk at kapag nagkaroon ka ng chance gagahasain mo kaya ayaw mong sabihin because that's too personal at baka may makarinig sa'yo diyan. OMG! I can't even! My God! I never knew na ganyan ka pala." Dire-diretsong sabi nito. Napasapo na lang siya sa noo. Umiral na naman ang pagiging baliw ng kaibigan niya.

"Pwede bang tumahimik ka. Kung ano-anong pinagsasabi mo. I have an assignment okay? And it has something to do with one of them. Kaya 'wag kang praning." Pagpapaliwanag niya. Stress na nga siya kay Ms. Gaspangin, pati ba naman sa kaibigan niyang akala niyang makakatulong sa kanya istressin din siya? Napailing na lamang siya.

"Sorry naman. Di ba pwedeng advance lang talaga akong mag-isip kasi matalino talaga ako kaya gano'n?" Pangangatuwiran nito. "So sino 'yan? Si boss?"

"No. It's Mr. Aragon." Aniya.

"Ah si Kade."

"Yeah."

'Manang nandiyan ba 'yong boss mong gago?' Napakunot ang noo niya nang may marinig siyang nagsalita kasama nito.

"Who was that?" Curious na tanong niya.

"Wala. Isang malignong napadpad lang dito. Sige na, may gagawin pa ako. Basta tandaan mo bukas o di kaya itetext na lang kita kapag lumabas sila ngayon. Good luck sa assignment mo bruha. Ingat ka!"

Napailing na napapangiti na lang siya. "Salamat bruha. Ingat ka rin. Babye!" Aniya at pinatay na ang tawag.

Nilagay na niya sa bag ang cellphone at inayos ang mga gamit.

Hindi pwedeng bukas pa siya kumilos, kailangan ngayon na para mas madali siyang matapos.

Tumayo na siya at binitbit ang bag.

Hindi niya alam kung nasaan ito ngayon. Pero kung kinakailangang puntahan niya ang bahay nito at doon mag-abang, gagawin niya, alang-alang sa trabaho niya.