CHAPTER 107

DAHIL nag-umpisa na ang trabaho ng kasambahay ng kaniyang ina, hindi na sila nag-abala pang galawin ang mga pinggan. Sinamahan niya ang ina sa kwarto nito. Si Shawn naman ay lumabas dahil may importante raw itong tawag.

"Ma, babalik na kami bukas sa bahay ni Shawn. Sigurado ka bang dito ka lang?" labis ang kaniyang pag-aalala sa kaniyang ina. Hindi niya alam kung paano niya ito mabibisita kung maging abala na ulit sila. "Oo naman, 'nak. Tama na ang pag-o-overthink mo, okay? Hindi na magandang tingnan." Mukhang wala siyang magagawa kung 'di ang alisin na lang ang pag-aalala.

Kahit mahirap.

"Sorry, mama. Hindi ko lang talaga maiwasan."

"Alam ko iyon, anak. Hindi naman kita masisisi at isa pa, alam ko naman hindi mo talaga maiiwasan ang mag-alala. Kahit ako namang ina mo, e. Kung sa 'yo may mangyaring hindi maganda, hindi rin naman ako makakampante." Mahabang paliwanag niya. Nagpapasalamat siya dahil na