CHAPTER 112

HINDI maalis ni Shawn sa kaniyang isipan kung paano niya sasabihin kay Yesha ang lahat. Noong nagkaroon sila ng problema, sobrang kinain na siya ng takot. Hindi niya alam kung ano ang kaniyang gagawin para lang mapatawad nito. Naisip na rin niyang sabihin dito ang totoo pero may kung anong pumupigil sa kaniya.

Ilang beses na rin ba siyang sinabihan ni Hanz na magsabi na? Hindi na yata niya mabilang. Paano pa kaya kapag nalaman na talaga nito na isa siyang ex-convict at kasong rape pa ang naka-record sa pangalan niya. Isang mabigat at hindi basta-bastang kaso lang. Baka kamuhian siya ng babae, pandirihan sa kasalanang hindi naman niya ginawa pero hindi rin niya puwedeng aminin na wala siyang kasalanan.

"Ang lalim naman yata ng iniisip mo?" tanong ni Yesha dahilan upang magising ang diwa niya. "Ha? Nothing. May napag-usapan lang kami ni Hanz. Ikaw? Bakit gising ka pa?" anong oras na sila nakauwi ni Yesha. Kung hindi pa nga niya ayain si Yesha,